Святлана Курс прапанавала правесці яшчэ адзін марафон — для беларускіх ваяроў
Пісьменніца мяркуе, што збор сродкаў для беларусаў-добраахвотнікаў мае прайсці 8 верасня — на Дзень беларускай вайсковай славы.
«Для мяне гэта радасны дзень, калі я пераканалася, што мы ўсё яшчэ разам, і нашай супольнасці не разбіць, не спыніць, не стрымаць», — напісала пісьменніца ў фэйсбуку пад канец суботы, калі стала зразумела, што марафон збору грошай для палітвязняў і іх сямей стаў вялікім поспехам.
«А давайце яшчэ нашым ваярам збяром, нашай гордасці і абароне. Тым больш што і Дзень беларускай вайсковай славы блізка. 8 верасня», — напісала Курс.
Курс мяркуе, што ініцыятыва новага марафону таксама павінна зыходзіць ад кабінета Святланы Ціханоўскай.
«Дзеля гэтага мусіў бы азвацца Кабінет абранай прэзідэнткі, — адзначыла Курс у каментарах. — Бо мы ўсе за яе галасавалі».
Аўтарка рамана «Па што ідзеш, воўча?», вядомая пад сваім літаратурным псеўданімам Ева Вежнавец, таксама выступала на марафоне салідарнасці ў суботу.
Беларусы, здаецца, збяруць на марафоне больш за паўмільёна еўра, чаго мала хто чакаў.
Лічбу 400 тысяч адолелі ўначы каля 0:35. На цяпер сабрана ўжо больш за 469 тысяч, збор будзе доўжыцца да канца сённяшняга дня.
Адна з папулярных сум — 23,34, або нумар адміністрацыйнага артыкула, паводле якога лукашысты судзілі дзясяткі тысяч беларусаў.
Ініцыятыва правядзення марафону зыходзіла ад прадстаўніцы Аб'яднанага кабінета па сацыяльных пытаннях Вольгі Гарбуновай, да ідэі далучыліся дзясяткі медыя і ютуб-каналаў, у тым ліку «Наша Ніва» і ютуб-каналы Nasha Niva News i «Tok» / Talk.
Статус палітвязня на сёння маюць 1484 чалавекі, але за кратамі знаходзіцца нашмат больш палітычных, не ўсе іх імёны вядомыя грамадскасці.
Масавыя палітычныя рэпрэсіі ў Беларусі працягваюцца з 2020 года, калі Аляксандр Лукашэнка, мяркуючы са звестак з участкаў, дзе выбарчыя камісіі дазволілі назіральнікам сачыць за падлікам галасоў, прайграў Святлане Ціханоўскай, але не аддаў уладу.
З 2022 года, пасля нападу Расіі на Украіну, беларусаў пачалі пераследаваць і за антываенныя выказванні або сімпатыі да Украіны.
За гэты час у краіне адбылося не менш за 50 тысяч палітычна матываваных затрыманняў, заведзена не менш за 12 тысяч палітычна матываваных крымінальных спраў і адкінутыя нават самыя базавыя нормы законнасці і маралі.
Ва Украіне ваявала ці ваюе некалькі соцень беларускіх добраахвотнікаў. 26 з іх загінулі, двое трапіла ў палон.
Цяпер чытаюць
Арыштаваны вядомы неўролаг Руслан Бадамшын. Ён быў на хатняй хіміі7
Каментары
Лохотрон должен жить вечно!
Требуют продолжения банкета.
Зрэшты галоўнае - каб паўтарыць учорашні поспех, трэба па першае ў нейкім выглядзе стварыць гэтае самае войска. Дзеля гэтага вельмі важна працаваць і дамагчыся агалошання на гэты конт дакладнай пазіцыі Ўкраіны. Бо сучасная пазіцыя выглядае так: вы пакуль ваюйце і гіньце за нашам баку - гэта задавальняе нас, а калісці потым мы пагледзім, што з вамі рабіць, бо не жадаем раззлаваць дыктатара і парушаць міжнароднае права ў датычэнні да тых, хто ўжо даўно выкінуў яго ў сметнік. Гэткая сітуацыя патэнцыйна ставіць гэты збор у шэраг шматлікіх збораў на патрэбы ЗСУ і таму чакаць без зменаў стану рэчаў рэзанансных вынікаў ад гэткага марафону наўрадці варта.