Краіны Балтыі і Польшча абмяркуюць пытанне закрыцця мяжы з Беларуссю ўжо ў гэтым месяцы
Намеснік міністра ўнутраных спраў Літвы Арнольд Абрамавічус заявіў, што закрыццё ўсіх шасці памежных пунктаў з Беларуссю выкліча сур'ёзныя арганізацыйныя праблемы.
Краіны Балтыі і Польшча абмяркоўваюць магчымасць поўнага закрыцця межаў, канчатковыя акцэнты будуць узгодненыя яшчэ ў гэтым месяцы ў Варшаве, цытуе словы міністра ўнутраных спраў Літвы Агнэ Білатайце BNS.
Паводле яе слоў, гаворка ідзе пра «рэгіянальнае рашэнне».
«У мяне была размова з міністрам унутраных спраў Польшчы тыдзень таму. Мы дамовіліся, што цяпер на тэхнічным узроўні ўзгадняем дзеянні, алгарытмы, як бы гэта выглядала, калі б была прынятая такая рэгіянальная пастанова, калі б гэта зрабілі адначасова краіны Балтыі і Польшча, — сказала міністарка журналістам у сераду перад пасяджэннем урада.
«Я хачу запэўніць вас, што на тэхнічным узроўні мы гэта абмяркуем, а на палітычным — запланавана сустрэча 28-га ў Варшаве, у якой возьмуць удзел міністры краін Балтыі і Польшчы, мы расставім канчатковыя акцэнты, як павінен выглядаць так званы сінхрон», — адзначыла яна.
Намеснік міністра ўнутраных спраў Арнольд Абрамавічус заявіў, што закрыццё ўсіх шасці памежных пунктаў з Беларуссю адначасова выкліча сур'ёзныя арганізацыйныя праблемы.
У сераду міністры вырашылі закрыць з пятніцы пункты пропуску «Шумскас» і «Цвярачус» на мяжы з Беларуссю. Пасля гэтага будуць дзейнічаць чатыры пункты на мяжы з Беларуссю: «Мядзінінкай», «Лаварышкі», «Райгардас» і «Шальчынінкай».
Па словах міністра, аб гэтым рашэнні грамадскасць будзе праінфармаваная больш падрабязна, каб яно не прынесла нязручнасцяў.
«Вядома, наша галоўная мэта — каб як мага больш памежнікаў было на мяжы», — сказала міністр.
Урад вырашыў часова закрыць два пункты «праз геапалітычныя абставіны і дзеля зніжэння пагроз». Транспартны паток будзе накіраваны на завяршальную рэканструкцыю пагранічнага кантрольна-прапускнога пункта «Мядзінінкай».
Літва і краіны Балтыі робяць такія захады з-за сітуацыі вакол вагнераўцаў у Беларусі і павелічэння патоку нелегальных мігрантаў.
Літва ўсё ж закрывае два пункты пропуску на мяжы з Беларуссю
У ПВК «Вагнер» назвалі колькасць байцоў у Беларусі
МЗС Польшчы пра закрыццё мяжы з Беларуссю: Разглядаем любыя крокі. Вагнераўцы спрабавалі пранікнуць у Польшчу
Кіраўнікі МУС Літвы і Польшчы абмеркавалі магчымую ізаляцыю Беларусі
Польшча не выключае закрыцця ўсіх пунктаў пропуску на беларускай мяжы
Частка вагнераўцаў размясцілася непадалёк ад мяжы з Літвой — Наўседа
Сёння прыкмет правакацый вагнераўцаў супраць Літвы няма, але ёсць спакуса іх зладзіць — Наўседа
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары
Іншага слова для іх няма