Грамадства2121

«Якое дачыненне гэта мае да выхавання любові да Радзімы?» Міністру адукацыі не спадабалася загадка пра эльфаў

У Беларусі да 2027 года плануюць перавыдаць падручнікі. Па словах міністра адукацыі Андрэя Іванца, яны маюць быць «прасякнутыя гонарам» за краіну па ўзоры савецкага часу, піша Reform.by.

«Мы сёння, Міністэрства адукацыі, бачым гэтую праблему, што выхаваўчы патэнцыял у нашых падручніках задзейнічаны толькі з так званым нацыянальным кантэнтам.

Але нам трэба смялей ісці насустрач, не баяцца слова «ідэалогія», не баяцца слова «патрыятычнае выхаванне» і выкарыстоўваць тыя тэксты, якія ў кожнай старонцы, у кожным радку любога падручніка будуць сапраўды прывіваць любоў да Радзімы, любоў да працы, спачуванне і павагу да людзей, да жывёл, любоў да прыроды.

Усё гэта і ёсць складнікі выхавання нашага падрастаючага пакалення», — заявіў ён у праграме «Пытанне нумар адзін» на тэлеканале «Беларусь 1».

«Няпростая праца, і мы разумеем, што ўвадначас яе зрабіць вельмі складана, але такую

амбіцыйную задачу мы перад сабой ставім для таго, каб усе навучальныя выданні, якія мы будзем перавыдаваць, былі максімальна набліжаныя да таго ўзору або да таго ідэалу, які быў у савецкі час», — дадаў міністр.

Для прыкладу ён узяў падручнік па рускай мове для другога класа і зачытаў заданне.

«Паўлік і Алёнка знайшлі карту лясных эльфаў, на якой пазначана, дзе схаваны скарб. — Якое правіла выкарыстоўвалі эльфы, каб зашыфраваць дарогу да скарбу? Дапамажы дзецям прачытаць карту». Гэта значыць для дзяцей, напэўна, гэта цікавае заданне, але якое дачыненне гэта мае да выхавання любові да Радзімы?» — задаўся пытаннем міністр.

«Пытанне не толькі ў нацыянальным кантэнце. Сёння ў нашых падручніках даволі вялікая колькасць інфармацыі пра нашы прадпрыемствы, пра наш рэальны сектар эканомікі, пра нашу прыроду, пра нашы славутасці, але мы павінны напрамую казаць, мы абавязаныя ганарыцца нашай краінай. Мы абавязаныя ганарыцца тым, што дасягнула наша краіна за гады незалежнасці ў такі кароткі перыяд. Дзесьці мы яшчэ саромеемся пра гэта гучна ў поўны голас казаць.

А гэта павінна быць напісана ў падручніку абсалютна на кожнай старонцы, таму што мы па праву ганарымся нашай краінай, мы па праву ганарымся нашым народам. І мы па праву ганарымся тым, што ў нас такі прэзідэнт, які выбудаваў тую палітыку, якая дазволіла нам сёння ў вельмі няпростых геапалітычных умовах захаваць мірнае неба над галавой і росквіт у нашай краіне», — заявіў ён.

Міністру задалі пытанне, калі з'явяцца такія падручнікі.

«Перавыданне лінейкі падручнікаў у нас запланавана да 2027 года ўключна. Відавочна, што да гэтага часу мы павінны ўсю гэтую лінейку пры перавыданні максімальна наблізіць да тых узораў, якія былі ў савецкі час», — адказаў ён.

Каментары21

  • умка
    02.09.2023
    ИВАНец - адукацыі канец
  • Гы
    02.09.2023
    Пн.Карэя пакажацца нам яшчэ парадайзам)
  • Сіні_эльф
    02.09.2023
    Выхоўваць дзяцей і друкаваць падручнікі на суседняй мове нацыі і скажаць сваю гісторыю. Вось гэта патрыятызм! Такому патрыятызму пазайздросціць любая краіна!
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ціханоўскі — беларусам: «Калі вы чакалі знак, то вось ён». Прайшла прэс-канферэнцыя з вызваленымі палітвязнямі

Усе навіны →
Усе навіны

Вызвалены журналіст «Радыё Свабоды» Ігар Карней4

Сёння было вызвалена 14 палітвязняў25

Ціханоўская адказала Пуціну на яго словы пра нагу рускага салдата21

Карбалевіч адказаў, хто з атачэння Лукашэнкі мог бы яго замяніць і чаму не верыць у пераемніка Колю7

У Лідзе мужчына таемна здымаў на тэлефон пад сукенкай у жанчыны8

Зяленскі паказаў журналістам фатаграфіі і пашпарты расіянаў, чые целы былі перададзены Украіне як парэшткі ўкраінскіх салдат6

Лукашэнка — Келагу: Шуму вы нарабілі сваім прыездам19

Вячорка пра канфлікт з яго ўдзелам на Сходзе неабыякавых: Гэта паказвае саміх удзельнікаў, яны самі запрасілі мяне40

Лукашэнка сустрэўся са спецпасланнікам Трампа Кітам Келагам24

больш чытаных навін
больш лайканых навін

«Фардо больш няма». ЗША нанеслі ўдары па ядзерных аб'ектах у Іране32

«Фардо больш няма». ЗША нанеслі ўдары па ядзерных аб'ектах у Іране

Галоўнае
Усе навіны →

Заўвага:

 

 

 

 

Закрыць Паведаміць