Нягледзячы на вайну, Украіна збярэ 80 мільёнаў тон збожжа. Беларусь — толькі 7
Прагноз па сукупным ураджаі збожжавых і алейных культур ва Украіне ў 2023 годзе быў павялічаны на 3,7 млн тон, да 80,5 млн тон, паведаміла Украінская збожжавая асацыяцыя (УЗА).
«Павелічэнне прагнозу ўраджаю ў гэтым годзе абумоўлена спрыяльнымі ўмовамі надвор'я і вышэйшай, чым чакалася, ураджайнасцю сельскагаспадарчых культур», — гаворыцца ў заяве УЗА.
Украінскі каравай будзе ўключаць 28 млн т кукурузы, 22 млн т пшаніцы, 5,8 млн т ячменю, 13,9 млн т насення сланечніка, 4,1 млн т рапсу і 4,8 млн т соевых бабоў, прагназуюць у галіновай асацыяцыі. Прычым ураджайнасць пшаніцы і ячменю сёлета блізкая да рэкорднай.
Гэта цудоўны вынік ва ўмовах, калі 18 працэнтаў украінскіх зямель акупаваныя Расіяй, а вялікая частка не можа абрабляцца, бо на ёй працягваюцца баявыя дзеянні або яшчэ не адбылося размінавання. Летась і ўвесну ўвогуле былі сумневы, ці зможа Украіна адсеяцца ва ўмовах бамбёжак і ракетных удараў па паліўных базах і запраўках.
Зразумець значэнне лічбаў украінскага ўраджаю можа дапамагчы параўнанне з беларускімі. Агульны збор збожжавых і алейных культур у нашай краіне сёлета па афіцыйных звестках складзе 7,1 мільёна тон, што прапаганда падае як вялікі поспех і заслугу асабіста Аляксандра Лукашэнкі.
Як чакаецца, Украіна зможа паставіць на экспарт у наступным сезоне 49 млн тон збожжавых. Праўда, гэтага ўдаецца дасягаць з вялізнай рызыкай для людзей. Расійскія ракетныя ўдары толькі за апошнія два месяцы спалілі 270 тысяч тон збожжа ў дунайскіх партах, дзе яго загружаюць на сухагрузы.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары