У акцыі ў Мінску, прысвечанай Дню правоў чалавека, узялі ўдзел шэсць чалавек
Акцыя ў цэнтры Мінска, прысвечаная Міжнароднаму дню правоў чалавека, прайшла без затрыманняў.
10 снежня прыкладна ў 18.00 шэсць чалавек выстраіліся на Кастрычніцкай плошчы каля знака нулявога кіламетра. Яны трымалі плакаты «Мы не быдла, у нас ёсць правы» і «Правы ёсць там, дзе за іх змагаюцца». Праз хвіліну да прысутных падышоў супрацоўнік міліцыі ў форме і праз мегафон некалькі разоў папярэдзіў, што іх дзеянні незаконныя і могуць пацягнуць за сабой адказнасць. Аднак маладыя людзі на папярэджанні не рэагавалі.
Прастаяўшы з плакатамі прыкладна 15 хвілін, яны разышліся.
Падчас акцыі ніхто затрыманы не быў. За яе ходам назіралі людзі ў цывільным, здымалі акцыю на відэакамеру, аднак не ўмешваліся.
Акцыя была арганізавана маладзёжнай структурай Аб'яднанай грамадзянскай партыі «Маладыя дэмакраты».
Цяпер чытаюць
«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў2
Каментары