«Мегатоп» зняў рэкламу, дзе мужчына ў ружовым парадзіруе Кэры Брэдшоу. І нарваўся на ГУБАЗіК
Сетка абутковых крамаў «Мегатоп» вырашыла арыгінальна нагадаць пра сябе. Але піяр-кампанія рызыкуе скончыцца сумна.
«Мегатоп» зняў рэкламу ў стылі пародыі на папулярны серыял «Сэкс у вялікім горадзе». У роліку барадаты мужчына ў ружовым і ў парыку пад музыку з застаўкі серыяла, нібы галоўная гераіня Кэры Брэдшоу, бегае па мінскай вуліцы Кастрычніцкай.
«Мы ведаем, дзе знайсці вашу пару мары», — падпісаны пост.
Пакупнікі адрэагавалі на рэкламу па-рознаму. Хтосьці ад душы пасмяяўся, іншыя заявілі, што «апошні раз у вас нешта купляю».
Рэкламу заўважыў і ГУБАЗіК і ўгледзеў у ёй злачынства.
«Гумар гумарам, але гэта цягне на ЛГБТ-прапаганду нетрадыцыйных каштоўнасцяў, пакаранне за якую ўжо было анансавана Генеральнай пракуратурай.
Звяртаем увагу кампетэнтных органаў, у зоне адказнасці якіх знаходзіцца гэтая арганізацыя. Не даводзьце да граху, каб і за гэтую справу прыйшлося брацца ГУБАЗу», — напісалі міліцыянты ў сваім канале.
Неўзабаве рэкламны ролік знік з інстаграма «Мегатопа».
У чэрвені Генпракуратура анансавала, што збіраецца ўвесці адміністрацыйную адказнасць за ЛГБТ-прапаганду.
Раней за любоў да ружовага лукашысты накінуліся на папулярнага блогера Дзім Дзімыча. На яго наехала прарасійская актывістка Вольга Бондарава, а пасля блогеру давялося ісці на інтэрв'ю да Азаронка.
Блогера-мільённіка Дзім Дзімыча, якога абвінавацілі ў прапагандзе ЛГБТ, прымусілі апраўдвацца на стрыме ў Азаронка
Лукашэнкаўскі гісторык выявіў Губку Боба на плакаце сацыяльнай рэкламы і абурыўся прапагандай «педэрастыі»
Уводзіцца адміністрацыйная адказнасць за «прапаганду нетрадыцыйных сэксуальных адносін» і бяздзетнасці
Чарговая спецмісія Бондаравай. Гэтым разам над «Еўраоптам»
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос25
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5353
Каментары