«Miehatop» źniaŭ rekłamu, dzie mužčyna ŭ ružovym paradziruje Kery Bredšou. I narvaŭsia na HUBAZiK
Sietka abutkovych kramaŭ «Miehatop» vyrašyła aryhinalna nahadać pra siabie. Ale pijar-kampanija ryzykuje skončycca sumna.
«Miehatop» źniaŭ rekłamu ŭ styli parodyi na papularny sieryjał «Seks u vialikim horadzie». U roliku baradaty mužčyna ŭ ružovym i ŭ paryku pad muzyku z zastaŭki sieryjała, niby hałoŭnaja hierainia Kery Bredšou, biehaje pa minskaj vulicy Kastryčnickaj.
«My viedajem, dzie znajści vašu paru mary», — padpisany post.
Pakupniki adreahavali na rekłamu pa-roznamu. Chtości ad dušy paśmiajaŭsia, inšyja zajavili, što «apošni raz u vas niešta kuplaju».
Rekłamu zaŭvažyŭ i HUBAZiK i ŭhledzieŭ u joj złačynstva.
«Humar humaram, ale heta ciahnie na ŁHBT-prapahandu nietradycyjnych kaštoŭnaściaŭ, pakarańnie za jakuju ŭžo było anansavana Hienieralnaj prakuraturaj.
Źviartajem uvahu kampietentnych orhanaŭ, u zonie adkaznaści jakich znachodzicca hetaja arhanizacyja. Nie davodźcie da hrachu, kab i za hetuju spravu pryjšłosia bracca HUBAZu», — napisali milicyjanty ŭ svaim kanale.
Nieŭzabavie rekłamny rolik źnik ź instahrama «Miehatopa».
U červieni Hienprakuratura anansavała, što źbirajecca ŭvieści administracyjnuju adkaznaść za ŁHBT-prapahandu.
Raniej za luboŭ da ružovaha łukašysty nakinulisia na papularnaha błohiera Dzim Dzimyča. Na jaho najechała prarasijskaja aktyvistka Volha Bondarava, a paśla błohieru daviałosia iści na intervju da Azaronka.
Błohiera-miljońnika Dzim Dzimyča, jakoha abvinavacili ŭ prapahandzie ŁHBT, prymusili apraŭdvacca na strymie ŭ Azaronka
Łukašenkaŭski historyk vyjaviŭ Hubku Boba na płakacie sacyjalnaj rekłamy i aburyŭsia prapahandaj «piederastyi»
Uvodzicca administracyjnaja adkaznaść za «prapahandu nietradycyjnych seksualnych adnosin» i biaździetnaści
Čarhovaja śpiecmisija Bondaravaj. Hetym razam nad «Jeŭraoptam»
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia8080
Kamientary