«Выказваем падтрымку народу Ізраіля ў іх барацьбе за сваю краіну». Ціханоўская асудзіла ХАМАС і падтрымала Ізраіль
У сувязі з атакай Ізраіля баевікамі палесцінскай групоўкі ХАМАС Святлана Ціханоўская запісала адмысловы зварот, у якім асудзіла тэрарызм і гвалт і выказала салідарнасць з народам і ўладамі Ізраіля.
«Мы катэгарычна асуджаем гэтую агрэсію і выказваем падтрымку народу Ізраіля ў іх барацьбе за сваю краіну. Тэрарызм і гвалт, захоп закладнікаў і катаванні, забойства мірных грамадзян не могуць быць апраўданыя нічым!» — заявіла Ціханоўская, выказаўшы ўпэўненасць, што «злачынцы, якія развязалі вайну і паквапіліся на ключавыя чалавечыя каштоўнасці, панясуць пакаранне».
Беларуская дэмакратычная лідарка выказала спачуванне сем'ям і блізкім загінулых падчас гэтай вайны і асобна звярнулася да больш як 120 000 беларусаў, якія цяпер жывуць у Ізраілі, з просьбай берагчы сябе і сваіх блізкіх.
«Дэмакратычныя сілы Беларусі выступаюць за ўсталяванне міру на Блізкім Усходзе і за мірнае вырашэнне канфліктаў», — падкрэсліла Ціханоўская.
Чытайце таксама:
Гомельскія прапагандысты пазлараднічалі з нагоды вайны ў Ізраілі
У 14 населеных пунктах каля мяжы Газы працягваюцца баі
Ізраіль атакаваў у Газе 17 ваенных комплексаў
Напад ХАМАС на Ізраіль. Па ўсёй тэрыторыі краіны ўведзена надзвычайнае становішча
-
«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту
-
«Адну мяне бесіць, што за мяжой я выключна ІрЫна?» Беларуска абураецца транслітэрацыяй у пашпарце з беларускай мовы
-
У Лідзе памёр 71-гадовы мужчына. Яго сын, зборшчык подпісаў за Цапкалу, кажа, што бацьку закатавалі да смерці. Ці так гэта?
Каментары