Часопіс «Дзеяслоў» з наступнага года пераходзіць на наркамаўку. Гэта абумоўлена прыняццем новых правіл беларускай арфаграфіі і пунктуацыі, якія пачынаюць дзейнічаць з 1 верасня 2010 года.
«Было шмат зваротаў ад настаўнікаў з просьбай перайсці на школьны правапіс, каб яны маглі даваць чытаць часопіс вучням. Бо ў «Дзеяслове» друкуюцца аўтары са школьнай праграмы, жывыя класікі», — кажа галоўны рэдактар часопіса Барыс Пятровіч.
Зараз «Дзеяслоў» выдаецца адным з варыянтаў класічнага правапісу. Часопіс уваходзіць у лік незалежных выданняў, якім дзяржаўныя прадпрыемствы «Белкніга» і «Белсаюздрук» адмовілі ў распаўсюдзе. Пераход на наркамаўку, на думку Барыса Пятровіча, наўрадці вырашыць гэтыя пытанні. «Гэта не залежыць ад правапісу. Прычыны хутчэй іншыя — палітычныя», — падкрэслівае сп. Пятровіч.
Цяпер чытаюць
Зорка брэйкдансу з Віцебска атрымаў 11 гадоў турмы ў Кітаі. Што здарылася?10
Каментары