Грамадства44

Беларуская чыгунка дала парадаксальны адказ, чаму англійская мова знікла з галоўнага вакзала краіны

Раней Беларуская чыгунка сцвярджала іншае.

Залепленыя ізастужкай надпісы па-англійску на чыгуначным вакзале Мінска. Фота: Blizko.by

У сярэдзіне студзеня мінскі чыгуначны вакзал пазбавіўся ад англійскай мовы на інфармацыйных табло з дапамогай ізастужкі. Такім спосабам выправілі ўсе электронныя табло ў абодвух падземных пераходах пад пуцямі, а таксама на саміх платформах з цягнікамі. На дзясятках табло не засталося ніводнага слоўца па-англійску.

Тады начальнік чыгуначнай станцыі «Мінск-Пасажырскі» Аляксандр Дрожжа блытана патлумачыў гэта складанасцямі ў замене табло, на якіх быццам былі дапушчаны памылкі пры вырабе:

«Замена апошніх [табло] у наш час немагчымая па тэхналагічных прычынах, звязаных з нізкай тэмпературай вонкавага паветра. У сувязі з гэтым прынята часовае рашэнне па заклейванні інфармацыі на такіх табло. Пасля ўсталявання станоўчай тэмпературы вонкавага паветра канструкцыі будуць заменены».

Беларусы вырашылі ўдакладніць, а як жа цяпер арыентавацца замежнікам, якія прыбываюць у Беларусь, у тым ліку з заходніх краін па бязвізе, і якія не ведаюць ні беларускай, ні рускай моў.

Беларуская чыгунка за подпісам намесніка начальніка Андрэя Якабсона дала парадаксальны адказ:

«Чыгуначны вакзал не з'яўляецца турыстычнай славутасцю і выкарыстанне замежных моў для інфармавання грамадзян на ўказаным аб'екце не абавязковае».

Замест гэтага замежнікам прапаноўваюць арыентавацца з дапамогай тэхнічных сродкаў (інфармацыйных табло), на якіх няма замежных моў, піктаграм, інфармацыйных схем, мабільных прылад з адпаведным дадаткам ці звяртацца ў кантакт-цэнтр і да персанала вакзала, які таксама можа не ведаць ніякіх моў, бо «не абавязкова». 

Пазбавіцца ад лацінкі на паказальніках і інфармацыйных стэндах ураду даручыў Аляксандр Лукашэнка ў верасні 2023 года. Ён запатрабаваў выкарыстоўваць толькі дзяржаўныя мовы. Праз некалькі дзён кіраўнік Мінгарвыканкама Уладзімір Кухараў заявіў, што таблічкі ў горадзе заменяць.

З аднаго боку беларускія ўлады, як і любыя іншыя, вельмі зацікаўлены ў замежных турыстах, якія б прывезлі і патрацілі тут свае грошы. Нават у час, калі адносіны з заходнімі суседзямі носяць адкрыта варожы характар, для грамадзян гэтых краін захоўваецца бязвізавы ўезд у Беларусь. З іншага боку, беларускі рэжым робіць усё, каб адпудзіць сваімі норавамі і дзівацтвамі ўсіх, хто хацеў бы прыехаць у краіну.

Тое, што ў Беларусі нават вакзалы, якія заўсёды з'яўляюцца месцам найвышэйшай канцэнтрацыі замежных турыстаў, прызнаюцца «не турыстычнымі» — нонсэнс для ўсяго свету. 

«Наша Нiва» — бастыён беларушчыны

ПАДТРЫМАЦЬ

Каментары4

  • Сымон
    19.02.2024
    Чыгуначны вакзал не з'яўляецца турыстычнай славутасцю і выкарыстанне замежных моў для інфармавання грамадзян на ўказанным аб'екце не абавязкова

    Здаецца што лукашысты нават не разумеюць, наколькі абсурдна звонку выглядаюць іхныя адпіскі
  • авпвап
    19.02.2024
    мАжаце звярнуцца ў міністэрствЕ, а мАжаце не звярнуцца...
  • Невукі
    19.02.2024
    Google translate!

Цяпер чытаюць

«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга102

«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга

Усе навіны →
Усе навіны

Маладога выпускніка Акадэміі МУС асудзілі па рэдкім артыкуле — за «парушэнне аховы дзяржаўных сакрэтаў»6

Расія заявіла аб уварванні ў Днепрапятроўскую вобласць. Эксперты пацвердзілі баі ў некалькіх сотнях метраў ад мяжы рэгіёна1

«Усе мы будзем жыць горш, бядней, з адкатам на 30-40 гадоў назад». Як свет незваротна ідзе да зусім іншай рэальнасці23

«Адзін раз за сто гадоў праехаў на транспарце». Жыхару Магілёва ў аўтобусе далі рэшту расійскімі манетамі3

Вучняў, якія з матам парвалі экзаменацыйныя білеты па гісторыі Беларусі, прымусілі выбачацца каля манумента Перамогі54

Наталля Падольская зладзіла вяселле ў другі раз. У госці прыйшлі Z-артысты і нават Пяскоў27

«Мікалая білі, дзе толькі яго бачылі». Пра катаванні зняволенага анархіста Дзядка расказала адвакатка Мацкевіч8

Не забудзьце ўпрыгожыць дамы маем. Сёння — Сёмуха4

Ці лятае Ціханоўская бізнэс-класам і як міністр замежных спраў Польшчы падкінуў яе на сваім самалёце9

больш чытаных навін
больш лайканых навін

«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга102

«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга

Галоўнае
Усе навіны →

Заўвага:

 

 

 

 

Закрыць Паведаміць