«Я баялася і саромелася». Ціханоўская прыгадала, як пачынаўся яе шлях да беларускасці
21 лютага, у Дзень роднай мовы, дэмакратычная лідарка звярнулася да беларусаў.
21 лютага, у Дзень роднай мовы, Святлана Ціханоўская звярнулася да беларусаў.
«Яшчэ тры гады таму я сама не вельмі ўпэўнена пачувалася, калі размаўляла на беларускай мове. Вы, дарагія мае, натхнялі мяне, дапамагалі, матывавалі.
Цяпер і мая дачка Агнія вывучае новыя словы, спрабуе размаўляць па-беларуску і нават чытае пакрысе.
Ёй вельмі падабаюцца рыфмаванкі Юрыя Несцярэнкі з кніжкі «Неверагодны свет», вершыкі Андрэя Скурко, а таксама гісторыі з «Ашуканак» Яны Вольскай.
Беларуская мова — гэта наш унікальны пароль, які ведаем толькі мы з вамі. Захоўвайце родную мову, аберагайце, перадавайце дзецям. Бо пакуль жыве наша мова, будзе жыць і нашая нацыя».
Стала вядома, дзе працуе фаварытка Лукашэнкі Уладлена Зайцава19
Каментары
Увесь час панавання лукашэнкі ён, які нават не мае паўнавартаснай вышэйшай адукацыі, асэнсавана маргіналізаваў беларускую мову як сінонім сялянскасці і ганебнай адсталасці, а ягоныя памагатыя старанна выконвалі гэты загад. Таму няма нічога дзіўнага, што школьнікі другой паловы 90х, да якіх належыць і СЦ, раслі ва ўмовах агрэсіўнай русіфікацыі.
Моцны рух у бок беларушчыны адбыўся пасля 2020 ня толькі з СЦ, а амаль што з усімі дэмакратычна арыентаванымі беларусамі. І СЦ асабістым прыкладам кажа астатнім беларусам:
- Я таксама была такой, якія вы зараз. Я зрабліла - і вы не бойцеся быць беларусамі.
Менавіта гэты працэс і мае назву "нацыянальнае адраджэнне".