Лукашэнка заявіў, што перадасць Пуціну звесткі аб «куратарах» тэракта ў «Крокусе»
Аляксандр Лукашэнка сёння заявіў, што патэлефануе Пуціну і паведаміць свае падазрэнні наконт куратараў тэракту ў «Крокусе». «У нас ёсць падазрэнні на некаторых», — сказаў ён.
Хто гэтыя куратары, Лукашэнка ўдакладняць не стаў. Невядома, што ён яшчэ можа дадаць, бо самі расіяне сёння агучылі вялізарны пералік падазраваных.
Акрамя таго, Лукашэнка адказаў на папрокі да Пуціна, што той 19 гадзін не знаходзіў словаў, каб звярнуцца да расіян з нагоды тэракта.
Аказалася, па словах Лукашэнкі, Пуцін не мог запісаць зварот, бо не было магчымасці — разам з Лукашэнкам яны ўвесь час абмяркоўвалі падзеі і ход аперацыі.
«Пачалі Пуціна гэтыя збеглыя (іх і нашы) папракаць: «вось ён, нешта адбылося, а ён маўчыць, не гаворыць, не звяртаецца і іншае». Ды мы суткі не спалі разам з Пуціным! Што яны ведаюць пра гэта? Пастаяннае было ўзаемадзеянне. Калі трэба было сказаць, ён выйшаў і сказаў», — устаў на абарону Пуціна Лукашэнка.
Цяпер чытаюць
Рыта Дакота набыла дом за некалькі мільёнаў даляраў каля Галівуда1
Рыта Дакота набыла дом за некалькі мільёнаў даляраў каля Галівуда
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары