На двары красавік, а гэта значыць, што на прылаўках з'яўляюцца першыя ягады. Праўда, цэннікі на іх далёка не салодкія, знайшло некалькі прыкладаў выданне Telegraf.news.
Так, напрыклад, на рынку ў Баранавічах пачалі прадаваць першыя буякі. Цана за 100 грамаў складае 9 беларускіх рублёў. Выходзіць, атрымаць асалоду ад кілаграма ягад давядзецца за 90?.. Акрамя таго, на прылаўку выявілі і свежыя клубніцы: «усяго толькі» 25 рублёў за кілаграм, паведамляе анлайн-партал Bar24.
А на сайце адной з папулярных крамаў знайшлі буякі, прывезеныя з Зімбабвэ. За пластыкавую скрыначку ў 125 грамаў прыйдзецца заплаціць 9,99 рублёў. Адпаведна, за кіло — 79,92.
А вось паласавацца ажынамі ў красавіку можна за 22,99 — столькі каштуе тая ж пластыкавая скрыначка вагой 125 грамаў. Праз няхітрыя падлікі атрымліваецца кошт за кілаграм — 183,92 рубля. Затое з Мексікі!
На мінскай Камароўцы таксама ёсць клубніцы. Цана тут вар'іруецца ад 15 да 25 рублёў. У апісанні пазначана: «Клубніцы — агонь! Вельмі смачныя, салодкія». Праўда, у каментарах пішуць, што «трава травой»…
Цяпер чытаюць
Дэлегатка КР Карпушонак пасля маўчання апублікавала відэа12
Дэлегатка КР Карпушонак пасля маўчання апублікавала відэа
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7878
Каментары