Дэпутату ад «Альтэрнатывы для Германіі» пагражае вялікі штраф. Ён утаіў свой бізнэс у Беларусі
Прадпрыемства называецца «Цыбулька бел».
Дэпутат парламента Саксоніі ад праварадыкальнай «Альтэрнатывы для Германіі» («АдГ») Ёрг Дорнау з 2020 года зарэгістраваны як уладальнік сельскагаспадарчага бізнэсу ў Беларусі. Яго прадпрыемства можна знайсці ў Адзіным дзяржаўным рэестры Беларусі пад назвай ТАА «Цыбулька Бел», піша Bild.
Кампанія апрацоўвае некалькі сотняў гектараў у Лідскім раёне Гродзенскай вобласці. «Цыбулька Бел», акрамя гародніны, вырошчвае таксама бахчавыя культуры і карняплоды.
Весці такі бізнэс дэпутатам па законах Германіі не забаронена, аднак Дорнау не ўказаў сваё прадпрыемства ў дэкларацыі, якую падаваў адміністрацыі зямельнага парламента. Згодна з рэгламентам ландтага Саксоніі, кожны дэпутат павінен даць справаздачу аб сваім бізнэсе і іншых працах.
На сайце зямельнага парламента пазначана толькі кампанія Дорнава з яго роднага горада Борна недалёка ад Ляйпцыга. Ні пра якія кампаніі, зарэгістраваныя ў Беларусі, дэпутат не заяўляў.
«Дорнау не паведамляў парламенту ніякай інфармацыі пра якую-небудзь прадпрымальніцкую дзейнасць у Беларусі. Пасля адпаведнага паведамлення ад Welt am Sonntag кіраўнік парламента зямлі папрасіў спадара Дорнау пракаментаваць сітуацыю», — заявіла прадстаўніца парламента Іва Клатэ на пытанне Bild.
У выпадку, калі парушэнне рэгламенту будзе даказана, Дорнау можа атрымаць буйны штраф. У горшым выпадку яму давядзецца выплаціць больш за 40 тысяч еўра.
Сам Дорнау пакуль што не каментуе сітуацыю.
Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8
Каментары
который живёт в Германии.Вот вам связь и агентура Путина в Германии.