Новыя станцыі мінскага метро ўсё ж плануюць адкрыць да канца года
Новыя станцыі метро Зеленалужскай лініі маюць высокую ступень гатоўнасці і спецыялісты прыступілі да пусканаладачных работ, якія маюць намер завяршыць у другім паўгоддзі, расказаў Мінск-Навінам кіраўнік дырэкцыі па будаўніцтве Мінскага метрапалітэна Павел Царун.
Тэндар на правядзенне пусканаладачных работ на станцыях «Аэрадромная», «Немаршанскі Сад» і «Слуцкі Гасцінец» Зеленалужскай лініі сталічнай падземкі ўжо адбыўся. У снежні 2023 года заключана адпаведная дамова.
— Па графіку цалкам завяршыць асноўныя будаўніча-мантажныя работы на новых станцыях плануецца ў ліпені 2024-га. Часткова неабходнае абсталяванне ўжо зманціравана, у лютым прыступілі да яго наладкі. У далейшых планах — абкатка рухомага складу, — адзначыў суразмоўца.
— Што тычыцца электрадэпо «Слуцкае», паўторна абвешчаны тэндар на выкананне пусканаладачных работ. Калі ён не адбудзецца, то па нормах закупкі будуць выкананы з адной крыніцы. Цалкам завяршыць пусканаладку маюць намер у другім паўгоддзі 2024-га.
На «Аэрадромнай» аздабленчыя працы знаходзяцца на фінальным этапе, спецыялісты ўжо ажыццяўляюць наладку неабходнай апаратуры.
— Калі казаць пра «Немаршанскі сад», на гэтым аб'екце займаемся ўнутраным аздабленнем, робім афармленне канструкцый уваходу, а таксама завяршаем мантаж абсталявання, — падкрэсліў П.Царун.
— Што тычыцца «Слуцкага Гасцінца», заканчваем аздабленне службовых памяшканняў, далей прыступім да мантажу абсталявання. Перад намі стаіць задача завяршыць новыя станцыі метрапалітэна і электрадэпо «Слуцкае» да канца 2024 года.
Нагадаем, што ўчора паведамлялася пра тое, што ў гэтым годзе тры новыя станцыі трэцяй лініі могуць не быць адкрытыя.
З-за моцнай залевы зацякла вада на станцыю метро ў цэнтры Мінска. Топіць і ў іншых месцах
Новыя станцыі метро могуць да канца гэтага года не адкрыць
Да канца года ў Мінску адкрыюцца тры новыя станцыі метро
Як выглядае станцыя метро «Парк Чалюскінцаў» пасля рамонту ФОТЫ
Калі пачнуць будаваць новыя станцыі метро — планы змяніліся
Каментары