Улада

Янчэўскі: Ніхто прыкрываць Інтэрнэт не будзе, гэта немагчыма

«Але дзяржава павінна там прысутнічаць», — заявіў у пятніцу на калегіі Міністэрства інфармацыі начальнік галоўнага ідэалагічнага ўпраўлення Адміністрацыі прэзідэнта.

Дзяржава будзе і ў далейшым садзейнічаць развіццю Інтэрнэту ў Беларусі.

Пра гэта заявіў у пятніцу на калегіі Міністэрства інфармацыі па выніках работы ў 2009 годзе і планах на 2010 год памочнік прэзідэнта Беларусі, начальнік галоўнага ідэалагічнага ўпраўлення Адміністрацыі прэзідэнта Усевалад Янчэўскі.

«Дзяржава будзе праводзіць гэтак званую інтэрнэтызацыю, будзе рабіць усё,

каб Інтэрнэтам карысталася як мага больш людзей, каб усе пашыралася і развівалася

— ад добравядомага электроннага ўрада да электроннага гандлю і г.д.», — сказаў Усевалад Янчэўскі.

Паводле яго слоў, Міністэрства інфармацыі пераважна асацыюецца з друкаванымі СМІ і друкарнямі, плюс яшчэ тры асноўныя тэлеканалы. «А Інтэрнэт усё гэтыя гады развіваўся і надалей развіваецца. Сёння гэта цэлы свет. Пакуль жа разуменне ў грамадстве, што нібыта дзяржава вырашае закрыць (прыкрыць) або не прыкрыць.

Зразумела, што ніхто Інтэрнэт прыкрываць не будзе. І гэта немагчыма. Гэта прымітыўныя ісціны»,

— падкрэсліў памочнік прэзідэнта Беларусі.

Тым не менш, гэта цэлы свет, дзе прысутнічае маса з’яў, якія прама і непасрэдна звязаны менавіта з інфармацыяй: блогі, банэрная рэклама і іншае. Аказалася, што цэлая велізарная з’ява — па‑за ўвагай.

«Натуральна, дзяржава будзе займацца Інтэрнэтам, але не ў плане забароны, а ў плане таго, што дзяржава павінна там безумоўна прысутнічаць.

Там павінна прысутнічаць наша ідэалогія, і прысутнічаць эфектыўна. Бо ў адрозненне ад адміністрацыйных рэсурсаў на Інтэрнэт не паўплываеш. Людзі на сайты ці будуць заходзіць, ці не будуць. І ёсць толькі адзін крытэр — якасна і пераканаўча», — упэўнены Усевалад Янчэўскі.

Інтэрнэт‑сайтаў, рэсурсаў нават у рускамоўным сегменце — тысячы, дзесяткі тысяч. Гэта жорсткая канкурэнцыя і немагчымасць неяк адміністрацыйна падтрымаць, адзначыў памочнік прэзідэнта.

Тым не менш дзяржаве трэба не проста прысутнічаць у Інтэрнэце, а ўплываць эфектыўна і праводзіць ідэі ў жыццё.

І гэтым пытаннем павінна займацца Міністэрства інфармацыі, рэзюмаваў ён.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

СБУ забіла кілераў, якія застрэлілі палкоўніка Службы бяспекі ў Кіеве12

СБУ забіла кілераў, якія застрэлілі палкоўніка Службы бяспекі ў Кіеве

Усе навіны →
Усе навіны

Былы форвард зборнай Беларусі Вячаслаў Глеб стаў бацькам1

Ігар Тур патраціў мінімум 30 тысяч на прэміяльную кухню ФОТА43

У Беларусі бясплатна раздадуць курэй і пеўняў3

За ўдзел у пратэстах асудзілі кандыдата юрыдычных навук і яго бацьку-бізнэсмена1

Жыхарка Ельска вырасціла памідор вагой 1 кілаграм3

Прэзідэнт Фінляндыі інкогніта ўзяў удзел у трыятлоне і фінішаваў другім2

Навукоўцы знайшлі жудасную прычыну, чаму людзі ўпершыню завялі хатніх катоў10

З'езд «Белай Русі» правялі ў тэатры Янкі Купалы12

Раман Пратасевіч: Я ўжо больш за год у разводзе9

больш чытаных навін
больш лайканых навін

СБУ забіла кілераў, якія застрэлілі палкоўніка Службы бяспекі ў Кіеве12

СБУ забіла кілераў, якія застрэлілі палкоўніка Службы бяспекі ў Кіеве

Галоўнае
Усе навіны →

Заўвага:

 

 

 

 

Закрыць Паведаміць