Чэх ніяк не можа памяняць правы на беларускія, бо кепска ведае мову. Ён паскардзіўся памочніку Лукашэнкі
Чыноўнік адказаў абцякальна.
Фота: «Гомельщина официально»
На прыём да памочніка Лукашэнкі па Гомельскай вобласці Юрыя Горлава ў Кармянскім раёне прыйшоў грамадзянін Чэхіі, які жыве ў Беларусі.
Мілан Лангмаер паскардзіўся на сваю праблему: ён не можа замяніць еўрапейскія правы кіроўцы на беларускія. Усё з-за кепскага ведання мовы — яму проста не хапае часу, каб здаць тэорыю ў ДАІ.
Горлаў адказаў на скаргу абцякальна: ён прапанаваў «глыбей вывучыць сітуацыю, каб зразумець актуальнасць праблемы».
Усяго на прыём да Горлава прыйшлі два чалавекі.
Каментары