Папулярны расійскі блогер Ілля Варламаў многіх здзівіў. Паслухайце, як няпроста замежнікам даюцца некаторыя натуральныя для нас гукі.
Блогер расказаў, што рашыў вывучыць беларускую мову, якая яму заўсёды падабалася.
«Шаноўныя сябры, спяшаюся падзяліцца чудоўнай навіной. Я вырашыў вывучыць беларускую мову. Па-першае, яна неверагодна прыгожая, па-другое, у Беларусі на ёй мала хто гаворыць, і я б хацеў прыцягнуць да гэтай мовы ўвагу. Так што цяпер па нядзелях я буду расказваць вам нешта цікавае з беларускай мовы», — сказаў Варламаў па-беларуску.
Цікава, што расійскаму блогеру не так лёгка даюцца некаторыя асаблівасці беларускага вымаўлення — напрыклад, дзеканне і цеканне, якое для беларусаў натуральнае.
Пачуць, як Варламаў гаворыць па-беларуску, можна на першых хвілінах яго відэа:
«Як вы разумееце, крызіс сярэдняга ўзросту да кожнага мужчыны прыходзіць па-рознаму», — пажартаваў Варламаў.
Але пра свае планы вучыць беларускую мову ён, падобна, не жартуе. Блогер адзначыў, што гэта ўздымае яму настрой.
«Ты гадзінку пазаймаўся беларускай мовай — і ты абсалютна шчаслівы. Гэтая мова дорыць табе абсалютнае шчасце, табе хочацца танчыць, бегчы наперад, вывучаць яе больш і больш, табе хочацца пець песні на беларускай мове».
Ілля Варламаў у сваім блогу расказвае пра ўрбаністыку, падарожжы, апошнія навіны. На яго ютуб-канале 5 млн падпісчыкаў.
Цяпер чытаюць
Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная6
Каментары