Papularny rasijski błohier Illa Varłamaŭ mnohich ździviŭ. Pasłuchajcie, jak niaprosta zamiežnikam dajucca niekatoryja naturalnyja dla nas huki.
Błohier raskazaŭ, što rašyŭ vyvučyć biełaruskuju movu, jakaja jamu zaŭsiody padabałasia.
«Šanoŭnyja siabry, śpiašajusia padzialicca čudoŭnaj navinoj. Ja vyrašyŭ vyvučyć biełaruskuju movu. Pa-pieršaje, jana nievierahodna pryhožaja, pa-druhoje, u Biełarusi na joj mała chto havoryć, i ja b chacieŭ pryciahnuć da hetaj movy ŭvahu. Tak što ciapier pa niadzielach ja budu raskazvać vam niešta cikavaje ź biełaruskaj movy», — skazaŭ Varłamaŭ pa-biełarusku.
Cikava, što rasijskamu błohieru nie tak lohka dajucca niekatoryja asablivaści biełaruskaha vymaŭleńnia — naprykład, dziekańnie i ciekańnie, jakoje dla biełarusaŭ naturalnaje.
Pačuć, jak Varłamaŭ havoryć pa-biełarusku, možna na pieršych chvilinach jaho videa:
«Jak vy razumiejecie, kryzis siaredniaha ŭzrostu da kožnaha mužčyny prychodzić pa-roznamu», — pažartavaŭ Varłamaŭ.
Ale pra svaje płany vučyć biełaruskuju movu jon, padobna, nie žartuje. Błohier adznačyŭ, što heta ŭzdymaje jamu nastroj.
«Ty hadzinku pazajmaŭsia biełaruskaj movaj — i ty absalutna ščaślivy. Hetaja mova doryć tabie absalutnaje ščaście, tabie chočacca tančyć, biehčy napierad, vyvučać jaje bolš i bolš, tabie chočacca pieć pieśni na biełaruskaj movie».
Illa Varłamaŭ u svaim błohu raskazvaje pra ŭrbanistyku, padarožžy, apošnija naviny. Na jaho jutub-kanale 5 młn padpisčykaŭ.
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka1
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary