Свет2222

У Тэгеране знішчылі лідара ХАМАС Ісмаіла Ханію

Авіяўдар быў нанесены па яго рэзідэнцыі ў сталіцы Ірана, куды ён прыехаў на інаўгурацыю новага прэзідэнта краіны.

Ісмаіл Ханія. Фота: Vahid Salemi / AP

ХАМАС паведаміла аб гібелі кіраўніка палітбюро руху Ісмаіла Ханіі ў выніку ўдару Ізраіля па яго рэзідэнцыі ў сталіцы Ірана Тэгеране:

«Рух ісламскага супраціву ХАМАС выказвае спачуванні сынам нашага вялікага палесцінскага народа. Ісмаіл Ханія, кіраўнік руху, быў забіты ў выніку вераломнага налёту сіяністаў на яго рэзідэнцыю ў Тэгеране пасля яго ўдзелу ў цырымоніі інаўгурацыі новага прэзідэнта Ірана», — цытуюць сусветныя СМІ заяву ХАМАС.

Ізраільскія ўлады афіцыйных заяваў аб гібелі Ханіі пакуль не рабілі. Адзіным чыноўнікам, які выказаўся пра забойства Ханіі, стаў міністр па справах Ерусаліма і спадчыне Ізраіля Аміхай Эліяху, які назваў яго «правільным спосабам ачысціць свет ад гэтага бруду».

***

Ісмаіл Ханія нарадзіўся 29 студзеня 1963 года ў лагеры палесцінскіх бежанцаў Шааці ў Газе. У 1987 годзе скончыў Ісламскі ўніверсітэт Газы па кафедры арабскай літаратуры, і ў тым жа годзе ўступіў у шэрагі новага «ісламскага руху супраціву» (ХАМАС).

У 1992 годзе Ісмаіл Ханія быў дэпартаваны Ізраільскімі ўладамі ў Паўднёвы Ліван, праз год ён вярнуўся ў сектар Газа і пачаў працаваць у Ісламскім універсітэце.

Ханія з'яўляўся адным з бліжэйшых памочнікаў духоўнага лідара ХАМАСа шэйха Ахмада Ясіна. У 1998 годзе ён узначаліў яго канцылярыю.

У 2004 годзе пасля знішчэння Ясіна і яго пераемніка Абд аль-Азіза Ранцісі Ісмаіл Ханія ўзначаліў урад ХАМАСа ў Газе.

У маі 2017-га Ісмаіл Ханія быў абраны новым кіраўніком Палітбюро ХАМАС.

Ханія апошнія гады пражываў у сталіцы Катара. Яго асабістая маёмасць ацэньвалася ў больш чым 4 мільярды даляраў.

Многія сыны Ісмаіла Ханіі і іншыя яго сваякі былі ліквідаваныя падчас ваеннай аперацыі «Жалезныя мячы» ў Газе, якая пачалася пасля разні, учыненай тэрарыстамі ХАМАСа ў Ізраілі 7 кастрычніка 2023 года.

Каментары22

  • Зяма
    31.07.2024
    политзек, это тебе что футбол?
  • Футбол
    31.07.2024
    Зяма, Гэта ліквідацыя тэрарыстаў, 2:0 на карысць Ізраіля.
  • Рыгор
    31.07.2024
    Зяма, ты ничего не попутал? И причем здесь футбол?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Вучняў, якія з матам парвалі экзаменацыйныя білеты па гісторыі Беларусі, прымусілі выбачацца каля манумента Перамогі42

Вучняў, якія з матам парвалі экзаменацыйныя білеты па гісторыі Беларусі, прымусілі выбачацца каля манумента Перамогі

Усе навіны →
Усе навіны

На полі пад Барысавам заўважылі пад сотню буслоў ВІДЭА3

Астравецкі раён абышоў Мінск па заробках

«Мы не дзеці з Пуціным. Пуцін — забойца, які прыйшоў забіваць дзяцей»: Зяленскі рэзка адказаў Трампу на заяву пра вайну7

Былы спікер Генштаба УСУ заклікаў насельніцтва Сум эвакуявацца з-за наступу Расіі

На чайным грыбе зарабіў у Польшчы першыя мільёны рэстаратар з Брэста, бізнэс якога ўлады разграмілі ў 2020-м10

У Бельгіі забілі жонку і 6-гадовую дачку ўкраінскага вайскоўца6

Ціханоўская: Кадэбісты сказалі, што дзяцей лёгка вярнуць у Беларусь40

У мінскім «Бургер кінгу» памёр мужчына

Пасажыры беларускага цягніка самі прыбралі бярозу, што ўпала на рэйкі ФОТА

больш чытаных навін
больш лайканых навін

Вучняў, якія з матам парвалі экзаменацыйныя білеты па гісторыі Беларусі, прымусілі выбачацца каля манумента Перамогі42

Вучняў, якія з матам парвалі экзаменацыйныя білеты па гісторыі Беларусі, прымусілі выбачацца каля манумента Перамогі

Галоўнае
Усе навіны →

Заўвага:

 

 

 

 

Закрыць Паведаміць