Спорт33

Кранальны момант алімпіяды — гандбалістка вынесла траўмаваную суперніцу на руках

Гісторыя адбылася падчас гандбольнага матчу Бразілія-Ангола, піша championat.com.

Гандбалістка з Бразіліі выносіць на руках траўмаваную суперніцу-ангалезку. Фота: AP Photo/Brian Inganga

У апошнім матчы папярэдняга этапу жаночага турніру па гандболе сустрэліся зборныя Бразіліі і Анголы. Зыход гульні быў важны для абедзвюх каманд — пераможца адправіцца ў чвэрцьфінал, а той, хто прайграў — дадому.

На 36-й хвіліне сустрэчы, калі Ангола ўжо саступала суперніку з лікам 8:16, капітан афрыканскай каманды Альберціна Касома атрымала траўму калена. Проста на пляцоўцы дзяўчыне пачалі аказваць медыцынскую дапамогу, але гэтага было мала. Стала ясна, што боль перашкодзіць Касоме вярнуцца ў гульню.

Доктар зборнай і брамнік каманды дапамаглі спартсменцы падняцца. Яны збіраліся праводзіць дзяўчыну да лаўкі запасных, але Касома не магла зрабіць і кроку. У гэты момант на дапамогу дзяўчыне з Анголы паспяшалася суперніца — лінейная зборнай Бразіліі Тамірэс Марэна Ліма дэ Араужо. Яна падняла Альберціну, якая значна вышэйшая і большая за яе, на рукі і аднесла на лаўку, адначасна паляпваючы яе па спіне ў знак падтрымкі і падбадзёрвання.

«Траўма адбылася недалёка ад мяне. Спачатку я працягвала гуляць, таму што не думала, што гэта настолькі сур'ёзна. Калі я ўбачыла яе на пляцоўцы, я зразумела, што яна не зможа падняцца, таму што вельмі рэдка бывае так, што ты падаеш і не ўстаеш», — распавяла бразільянка.

«Альберціна — мой сябар на працягу многіх гадоў. Мы абедзве гуляем у Румыніі. Я не магла не дапамагчы ёй, бо разумела, што ёй будзе вельмі цяжка пакінуць пляцоўку. Я адчуваю да яе асаблівую прыхільнасць. Я вельмі паважаю яе працу», — патлумачыла свой учынак дэ Араужо.

Капітан Анголы пакінула арэну з мяшком лёду на пашкоджаным калене. А бразільянка падзялілася тым, што сказала ёй Альберціна, знаходзячыся на яе руках.

«Яна сказала: «Вялікі дзякуй, мой сябар. Толькі ты магла падняць мяне. Мне было вельмі балюча». Цяпер яна паправіцца».

Пераможцам матчу стала Бразілія, каманда выйшла ў чвэрцьфінал. 

Каментары3

  • Бобр
    04.08.2024
    Якія розныя моманты: супернік выносіць траўмаваную суперніцу і разарванае цела украінскага палоннага. Крайнасці чалавечага быція
  • Прыхільны
    04.08.2024
    "Я адчуваю да яе асаблівую прыхільнасць", - з гэтым усё зразумела. А вось сарваць спіну пасля такога - раз плюнуць. І, адпаведна, можна адразу ставіць крыж на спартовай кар'еры.
  • эгаістка
    05.08.2024
    аёй-аёй
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Беларускі форвард польскай «Легіі» Ілля Шкурын не ляціць на матч у Казахстан праз небяспеку быць затрыманым4

Беларускі форвард польскай «Легіі» Ілля Шкурын не ляціць на матч у Казахстан праз небяспеку быць затрыманым

Усе навіны →
Усе навіны

Беларус паказаў, які прадукт каштуе 575 рублёў за кілаграм4

Цана — ужо не ключавы фактар. Што адбываецца на рынку загараднай нерухомасці каля сталіцы

Чаму хваробы маладзеюць? Тлумачыць доктар12

Сын супрацоўніка беларускага КДБ вербаваў у Польшчы людзей для нападу на расійскіх апазіцыянераў8

Што цяпер з крамамі «Востраў чысціні»?1

Выйшаў на свабоду былы топ-журналіст АНТ Дзмітрый Семчанка11

«СЕО прыходзіў п'яным». Чаму людзі не сыходзяць з месцаў, дзе перасталі плаціць2

Беспрацоўных ужо выклікаюць у міліцыю позвамі — чаму гэта незаконна7

ГУБАЗіК сфатаграфаваў затрыманых з падробленымі пашпартамі Новай Беларусі21

больш чытаных навін
больш лайканых навін

Беларускі форвард польскай «Легіі» Ілля Шкурын не ляціць на матч у Казахстан праз небяспеку быць затрыманым4

Беларускі форвард польскай «Легіі» Ілля Шкурын не ляціць на матч у Казахстан праз небяспеку быць затрыманым

Галоўнае
Усе навіны →

Заўвага:

 

 

 

 

Закрыць Паведаміць