Гродзенскія ўлады зноў выпісалі для святочнага канцэрта расійскага артыста, які актыўна падтрымлівае ўладу і вайну.
Расійскі спявак Стас Міхайлаў выступіць на канцэрце ў гонар Дня горада ў Гродне.
Канцэрт пройдзе 7 верасня і будзе бясплатным для жыхароў і гасцей горада, паведамляе аддзел культуры Гродзенскага гарвыканкама.
Стас Міхайлаў актыўна падтрымлівае расійскія ўлады і вайну ва Украіне. Увесну ён раскрытыкаваў артыстаў, у прыватнасці Алу Пугачову, якія з'ехалі з Расіі і выказваюцца супраць вайны. Міхайлаў тады заявіў, што артысты неўзабаве вернуцца і «будуць цалаваць Расіі ногі». У адказ Пугачова назвала спевака «м***аком» .
У красавіку Міхайлава з юбілеем віншаваў Лукашэнка.
Улады Гродна і вобласці апошнія гады запрашаюць на святы артыстаў, якія падтрымліваюць вайну. Так, два гады таму на 9 мая ў горадзе выступіў адзін з галоўных Z-спевакоў Алег Газманаў — тады губернатар Уладзімір Каранік і памочнік Лукашэнкі па вобласці Юрый Караеў нават праспявалі з ім на сцэне.
Летась на 9 маяў Гродне выступаў гурт «Любэ».
Цяпер чытаюць
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»7
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары