Днямі Дзяржаўнае агенцтва меліярацыі і рыбнай гаспадаркі Украіны зафіксавала ў рацэ Сейм на тэрыторыі Сумскай і Чарнігаўскай вобласці значнае перавышэнне гранічна дапушчальных канцэнтрацый забруджвальных рэчываў. Вытокі гэтай ракі знаходзяцца ў Расіі і выглядае, што крыніца праблемы таксама там, піша «РБК-Украіна».
«Гэтая арганіка сапраўды трапіла да нас з тэрыторыі РФ. Паколькі ў нас няма ўзаемаабмену інфармацыяй з краінай-агрэсарам, то сказаць ці было гэта наўмысна, ці нейкая аварыя — цяжка», — заявіў першы намеснік міністра аховы навакольнага асяроддзя Украіны Аляксандр Красналуцкі ў эфіры нацыянальнага тэлемарафона.
Ён заўважыў, што забруджванне адбылося з нейкага завода. З наяўнай інфармацыі падобна, паводле слоў чыноўніка, што крыніцай забруджвання мог стаць спіртзавод або іншае прадпрыемства, якое знаходзіцца на тэрыторыі Расіі.
«Мы можам канстатаваць, што забруджвання хімічнымі і таксічнымі рэчывамі няма. Ёсць толькі забруджванне арганічнымі рэчывамі», — падкрэсліў Красналуцкі.
Рака Сейм на ўкраінскім участку забруджаная цалкам, а пляма атрутных рэчываў дасягнула ракі Дзясны.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары
мясакамбінат?