Культура44

Прызначылі новага мастацкага кіраўніка тэатра імя Якуба Коласа. На гэта спатрэбілася больш за два гады

11 верасня дырэктарка Нацыянальнага акадэмічнага драматычнага тэатра імя Якуба Коласа Юлія Харкевіч прадставіла калектыву новага мастацкага кіраўніка — Канстанціна Ганчарова, паведаміла Міністэрства культуры.

Канстанцін Ганчароў

Паведамляецца, што ў 2008 годзе Канстанцін Ганчароў закончыў Віцебскае дзяржаўнае вучылішча мастацтваў, у 2016 годзе — Беларускі дзяржаўны ўніверсітэт культуры і мастацтваў.

Пасля ён працаваў у розных установах культуры і адукацыі, браў актыўны ўдзел у віцебскім гарадскім конкурсе «Сцэнічныя чытанні «Школьны тэатр», арганізатарам якога з’яўляецца тэатр імя Якуба Коласа.

З 2022 года Ганчароў працаваў у Віцебскім дзяржаўным каледжы культуры і мастацтваў выкладчыкам цыклавой камісіі рэжысуры і майстэрства акцёра.

У 2023 годзе Канстанцін Ганчароў паставіў на вялікай сцэне тэатра імя Якуба Коласа драму «Выбар» па п’есе Аляксея Дударава, у 2024-м — ваенную драму «Сотнікаў» паводле аднайменнай аповесці Васіля Быкава. Гэта фактычна і ўвесь ягоны стаж у якасці тэатральнага рэжысёра.

Нацыянальны акадэмічны драматычны тэатр імя Якуба Коласа, як і іншыя ўстановы культуры, не пазбег пасля 2020 года рэпрэсій і чыстак. Гучнай справай была забарона спектакля «Ціль», які ставіў сам тагачасны мастацкі кіраўнік установы Міхаіл Краснабаеў. Фактычна праз тыдзень пасля прэм’еры, якая адбылася 1 снежня 2020 года, быў звольнены дырэктар тэатра Аляксандр Старых, а ў пачатку наступнага года — акцёры Юлія Крашэўская і Арцём Герак. Калі ў красавіку 2022 года скончыўся працоўны кантракт з Міхаілам Краснабаевым, яго таксама не працягнулі. З таго часу пасада мастацкага кіраўніка тэатра была вакантнай, і толькі цяпер яе заняў Канстанцін Ганчароў.

Спектакль «Ціль» не ўпадабала высокае начальства за тое, што са сцэны ў ім прагучалі словы «Жыве Фландрыя!», а ў якасці дэталяў касцюмаў былі выкарыстаныя белыя і чырвоныя стужкі.

Каментары4

  • Ганьба
    11.09.2024
    Норм, якраз для "аматараў Булгакава", што запоўняць глядацкую залу радамі паголеных затылкаў.
  • ватебск
    11.09.2024
    такой ватебск
  • Сцэнар той жа
    12.09.2024
    Паставілі маскаля як у Крыме
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог2

«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог

Усе навіны →
Усе навіны

«Гэта трэба настолькі давяраць людзям». У вёсцы на Брэстчыне адкрылі ларок самаабслугоўвання без прадаўца4

У двары звычайнай хрушчоўкі ў Грушаўцы зрабілі басейн. Але не каб купацца, а для прыгажосці3

Ля Гродна выпаў град, слой склаў 30 сантыметраў

«Маленькая паслуга беларускім уладам». Дэпутаты «Альтэрнатывы для Германіі» зрабілі запыт свайму ўраду пра фінансаванне «Байсола» і беларускіх палітвязняў3

Ryanair і Finnair прызналі найгоршымі авіякампаніямі Еўропы3

Дачка Надзеі Ермаковай пастаўляе рыбу ў калоніі, бальніцы і сілавікам11

У Валагодскай вобласці РФ мост абрынуўся пад вернікамі проста падчас хрэснага ходу6

«VIP-кліентка» КДБ. Гісторыя шведскай беларускі, якую арыштавалі на радзіме і вызвалілі разам з Ціханоўскім4

На станцыі метро «Плошча Леніна» жанчына ўпала на рэйкі

больш чытаных навін
больш лайканых навін

«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог2

«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог

Галоўнае
Усе навіны →

Заўвага:

 

 

 

 

Закрыць Паведаміць