Песня «Можно я с тобой», якая прысвечана вымушанай эміграцыі, узарвала тыкток і прынесла Ap$ent шалёную папулярнасць. Але ўчора спявак паведаміў, што адмяняе запланаваныя канцэрты ў краінах Балтыі.
Арсеній Кісляк (сапраўднае імя спевака Ap$ent) павінен быў выступіць 26 верасня ў Таліне, 27 верасня ў Вільні і 29 верасня ў Рызе. Але ён звярнуўся да фанатаў у тыктоку:
— У мяне ёсць навіны, на жаль, не вельмі добрыя. Канцэрты ў краінах Балтыі адмяняюцца. Грошы за квіткі, канешне, будуць вернуты.
Фанаты артыста заўважылі, што фонам грае яго песня «Упал — вставай» і пачалі хвалявацца, ці не здарылася чаго.
Каментуючы адмену канцэрта «Нашай Ніве», Ap$ent сказаў:
— Чарада не зусім прыемных падзей, расчараванняў і перагружанасць арганізацыйнай працай пасадзілі мне батарэйку. Мне трэба крыху часу на перадышку і творчасць.
На ўдакладненне, ці атрымалася сабраць залы ў дзвюх еўрапейскіх сталіцах, спявак адказаў, што з такімі пытаннямі трэба звяртацца не да яго. Канцэрт у Варшаве на мінулым тыдні ў Ap$ent прайшоў паспяхова.
«Дядя Саша, без обид, но вам никто не рад». Пагутарылі з беларускім спеваком AP$ENT, чые песні збіраюць мільёны праслухоўванняў
«Песню вясёлага беларуса» спевака Ap$ent прызналі экстрэмісцкай
Беларускі спявак Ap$ent пра свае заробкі: Рэкорд на месяц — $30 тысяч
Песня пра вымушаную міграцыю стала гімнам коцікаў: завірусіўся трэк беларускага спевака AP$ENT
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі2
Каментары