У інтэрв'ю яны не хавалі непрыязнасці адно да аднаго.
Пратасевіч і Азаронак на размове ў Сабчак. Скрын відэа ютуб-канала «Осторожно: Собчак»
Расійская блогерка Ксенія Сабчак запісала інтэрв'ю з Раманам Пратасевічам. Але не прамінула задаць і некалькі пытанняў прапагандысту Рыгору Азаронку.
На заканчэнне размовы з Азаронкам Сабчак (якая жартавала, што глядзіць выпускі прапагандыста перад сном) сказала, што зрабіла б з ім і асобную гутарку, але трэба лепш вывучыць яго асобу.
«Вайб у вас няпросты. Ведаеце такое слова?» — сказала яна Азаронку.
«Нешта чуў, але не ўжываю, не лаюся сабачай мовай», — адказаў той.
«А дарэчы, не бачна, што вы не ўжываеце. Часам падаецца, што ўжываеце яшчэ як», — пакпіла Сабчак.
Каментары
У Вас дагэтуль есць пытання да Ксюхі Саабчак ??