Lada пачала выпускаць седан «бізнэс-класу». Што за ён і колькі каштуе
Днямі на АўтаВАЗе пачалася прамысловая вытворчасць новай мадэлі — бізнэс-седана Lada Aura. Але новага ў ёй не шмат.
Новая даўжыня — новая мадэль?
Новая мадэль Lada пабудаваная на базе Lada Vesta. Галоўнае адрозненне «новай» мадэлі ад старой — даўжыня. Кузаў у Aura на 250 мм даўжэйшы, чым у Vesta. Адпаведна павялічылася і калёсная база. За кошт гэтага салон стаў больш прасторным для задніх пасажыраў.
Адлегласць ад пярэдніх крэслаў да задняга сядзення складае 1060 мм. АўтаВАЗ называе гэта найлепшым паказчыкам прасторы для пасажыраў у класе.
Сярод арыгінальных элементаў, апроч даху і днішча аўтамабіля, у Aura свае заднія дзверы, крылы і адпаведныя элементы ў тыльнай частцы салона.
Пачынаючы ад цэнтральнай стойкі да шыльдзіка на пярэднім бамперы — гэта тая ж самая Lada Vesta.
Вытворца робіць акцэнт на тым, што ў адрозненне ад Vesta пры вытворчасці Aura ў топавых камплектацыях будуць выкарыстоўваць натуральную скуру. Апроч гэтага, у аўтамабілі будзе палепшаная шумаізаляцыя і спецыяльныя налады падвескі, што павінна павысіць узровень камфорту для пасажыраў. Таксама ў Aura будуць усталёўвацца дыскі з новым дызайнам.
У тэхнічным плане прарыву не адбылося. Пад капотам у Aura будзе той жа самы 1,8-літровы бензінавы рухавік магутнасцю 122 к.с., які будзе працаваць з аўтаматычнай каробкай перадач.
Не абышлося без Пуціна
Атрымліваецца, што ў плане дынамікі разгону Aura будзе саступаць Vesta, бо новая мадэль будзе важыць больш.
Аднак, нягледзячы на тое, што выпуск новай мадэлі — гэта далёка не прарыў, у серыйным запуску Aura ўдзельнічаў Уладзімір Пуцін. Праўда, па відэасувязі.
«Сёння мы пачынаем серыйную вытворчасць новай мадэлі — седана бізнэс-класа Lada Aura. Уладзімір Уладзіміравіч, вы ўжо мелі магчымасць асабіста, за стырном, апрабаваць гэты аўтамабіль у ліпені. І вось, праз два з паловай месяцы, Aura ўжо на канвееры», — адрапартаваў перад Пуціным прэзідэнт АўтаВАЗа Максім Сакалоў.
Што па цэнах?
Цэны на Lada Aura будуць ад 2,6 мільёна да 2,8 мільёна расійскіх рублёў (каля 26,7 — 29 тысяч даляраў). Колькі яны будуць каштаваць у Беларусі і калі з'явяцца ў нашых дылераў, пакуль невядома.
Для параўнання, цэны на Vesta з аналагічным маторам і АКПП, як у Aura, у Беларусі пачынаюцца з 49 500 рублёў (каля 15 200 даляраў). Самая дарагая Vesta у кузаве седан каштуе 53 900 рублёў (каля 16 550 даляраў). Lada Vesta выпускаюць з 2015 года.
У Беларусі пачалі збіраць кітайскія мікрааўтобусы раней невядомага нам брэнду. Што за яны і колькі каштуюць
«За выхадныя на «Малінаўцы» прадалі ўсяго некалькі аўто». Як беларускі аўтарынак жыве без расіян
Махляры, якія прадаюць танныя шыны праз Instagram, рыхтуюцца да новага сезона. Як не трапіць на падман
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары