Пра смерць беларускага кінарэжысёра-пастаноўшчыка Аляксандра Анісімава паведаміла Міністэрства культуры.
Аляксандр Анісімаў у 1994 годзе скончыў Беларускую дзяржаўную акадэмію мастацтваў, майстэрню кінарэжысёра Віктара Турава. З 1992 года пачаў здымаць як рэжысёр, першая работа — кароткаметражка «Кот».
Найбольш значныя ягоныя мастацкія фільмы — «Неверагоднае перамяшчэнне» (2014), «Сляды на вадзе» (2016), «Трымайся за аблокі» (2018), «Авантуры Пранціша Вырвіча» (2019).
Ён аўтар шэрагу дакументальных фільмаў — «Званар», «Не спыніцца гадзіннік», «Метафара» і інш, сам зняўся ў некалькіх ролях у кіно.
Адна з апошніх работ — выпушчаны ў 2023 годзе фільм «Вяртанне», які ўяўляе сабой аўтарскае апавяданне пра пошукі месцаў гібелі самалётаў Чырвонай Арміі ў першыя тыдні нямецка-савецкай вайны і ўстанаўленне прозвішчаў членаў экіпажа.
Каментары