У Беларусі прадаюць Peugeot 407 з унікальнай афарбоўкай і касмічнай цаной
За 20-гадовы дызельны ўніверсал просяць амаль 16 тысяч даляраў.
На продаж выставілі Peugeot 407 2005 года выпуску. Пад капотам аўто дызельны рухавік аб'ёмам 2 літры, які працуе ў пары з механічнай каробкай перадач.
Згодна з апісаннем, 15 тысяч км назад уласнік замяніў родны матор на такі самы, прывезены з Еўропы з прабегам 180 тысяч кіламетраў. Таму ў апісанні прабег пазначаны як 195 тысяч км, хоць па спідометры — 342 500 км.
Сваю машыну ўласнік называе «праектным аўто для сабе».
Галоўная фішка — афарбоўка, якая, як запэўнівае прадавец, узаконеная ў ДАІ.
Апроч арт-афарбоўкі ў машыны пераробленыя пярэднія фары, заднія ліхтары і акустычная сістэма.
У аб'яве ёсць спасылка на відэа ў ютуб. Там можна паглядзець, як звычайны дызельны ўніверсал пераўтварыўся ў арт-аб'ект на колах.
Для стварэння падобнай афарбоўкі выкарыстоўваюць адмысловыя маркеры і балончыкі з фарбай.
Цяпер за машыну просяць 15 800 даляраў — гэта ў тры рызы больш, чым сярэдні кошт Peugeot 407 2005 года выпуску.
Адметна, што спачатку за аўто прасілі 21 800, але праз два дні з моманту падачы аб'явы прадавец вырашыў падняць цану да 22 800, а яшчэ праз дзень знізіць адразу на 7 тысяч даляраў.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары