На гэтым тыдні будуць судзіць гаспадыню аграсядзібы з-пад Баранавіч
Тамару Патоцкую пачнуць судзіць 5 сакавіка ў судзе Першамайскага раёна Мінска, паведамляе «Вясна». Яе абвінавачваюць паводле ч. 1 арт. 342 КК (актыўны ўдзел у дзеяннях, якія груба парушаюць грамадскі парадак). Працэс будзе весці суддзя Анастасія Ляйкоўская.
Тамара Патоцкая. Фота «Вясны»
Тамару Патоцкую затрымалі 5 снежня 2024 года ў Баранавічах. Пазней стала вядома, што жанчыну перавялі ў Мінск у СІЗА № 1.
Паводле яе знаёмых, жанчына грамадскай актыўнасці пасля 2020 года не праяўляла. Займалася толькі аграсядзібай. Але ў 2020 годзе яна была ў ініцыятаўнай групе Святланы Ціханоўскай, была арыштаваная на 15 сутак. А ў 2022 годзе атрымала штраф за «распаўсюд экстрэмісцкіх матэрыялаў» (арт. 19.11 КаАП).
Каментары