6 сакавіка ў 12.55 ратавальнікі атрымалі паведамленне пра ўзгаранне адзення на мужчыне ў двары шматпавярховага жылога дома на вуліцы 50 гадоў ВЛКСМ у Бабруйску, паведаміла прэс-служба МНС.
Калі ратавальнікі прыбылі да месца выкліку, у двары дома знаходзіўся мужчына з апёкамі і ў абгарэлым адзенні. Ён быў неадкладна шпіталізаваны.
Як расказалі відавочцы, мужчына выпіваў і курыў каля пад'езда. Адна з падпаленых запалак трапіла на ягоную вопратку, якая ўспыхнула.
Мужчына, які праязджаў міма, пабачыў, што адбываецца, выскачыў з машыны і з дапамогай пледа збіў з чалавека полымя. Жыхары пад'езда прынеслі ваду і звярнуліся па дапамогу ў службу МНС.
Як мяркуецца, узгаранне адбылося праз пралітае на адзенне спіртнога, якое ўспыхнула пры ўзаемадзеянні з агнём.
Цяпер чытаюць
«Міс Беларусь» усё больш нагадвае конкурс прыгажосці ў гарэме11
Каментары