Лукашэнка: У амерыканцаў няма ніякага плана, яны проста зандуюць глебу
Лукашэнка перад сустрэчай з Пуціным у Маскве пракаментаваў прапанову аб перамір'і ва Украіне ад ЗША, якое разлічана на 30 дзён.
«Не, гэта не хітрык і не будзе хітрыкам. Каб гэта не выглядала як хітрык, трэба, каб з другога боку ўсё было нармальна арганізавана», — сказаў ён.
«Гэта абсалютна дакладна: у амерыканцаў няма ніякага плана, яны проста зандуюць глебу», — адзначыў Аляксандр Лукашэнка.
«Украіна, хутчэй за ўсё не пагодзіцца на перамір'е, — дадаў ён і спрагназаваў, — Курская вобласць будзе вызваленая за некалькі дзён».
Лукашэнка сказаў, што «раіць не ісці на ўлоўкі Дональда, таму што ён у гэтых адносінах ваш чалавек [звяртаўся Лукашэнка да расійскіх прапагандыстаў — НН], ён медыйны, ён можа раніцай адну заяву рабіць, вечарам — другую. І лёгка ўвесці нас і вас у зман».
Больш за ўсё Лукашэнка хвалюецца за эканоміку, сказаў ён. «Але з эканомікай мы разбяромся. У нас ёсць усё, каб нармальна жыць. Багата не будзем гэты час жыць, але нармальна будзем жыць».
Пры гэтым падчас кароткага падыходу да прэсы перад сустрэчай Лукашэнка зноў гаварыў з моцнай задышкай — як і заўсёды цяпер, калі гаворыць стоячы.
Уладзімір Пуцін на сустрэчы адзначыў, што адносіны паміж Расіяй і Беларуссю з’яўляюцца братнімі ў прамым сэнсе слова і могуць быць прыкладам для іншых краін.
Таксама ён сказаў, што чакае Лукашэнку 9 мая на святкаванні Дня Перамогі ў Маскве. А да гэтага Лукашэнка возьме ўдзел у форуме ў Валгаградзе, дзе таксама будуць прысутнічаць іншыя кіраўнікі дзяржаў.
-
Ціханоўскі расказаў, як за дапамогу яму асудзілі іншага вязня, што сядзеў не за палітыку
-
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
-
«Калеснікаву перад сустрэчай з бацькам спрабавалі прывесці ў парадак — яна была на ўзмоцненым харчаванні»
Цяпер чытаюць
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі5
Каментары
Он опоздал, Ушаков опередил.
[Зрэдагавана]