Старшыня Беларускай федэрацыі футбола Шарснёў раскрытыкаваў Мінспорту
Мікалаю Шарснёву не падабаецца падыход Міністэрства спорту да беларускага футбола, піша партал bel.football.
На думку Шарснёва, Мінспорту стварае сітуацыю канфлікту, а не кампрамісу. Пра гэта ён сказаў, выступаючы з дакладам падчас канферэнцыі Асацыяцыі, якая праходзіла ў сталічным доме футбола.
«Мінспорту летась не падпісала каштарыс Федэрацыі, не дазволіўшы атрымаць сродкі ад партнёраў. Праз гэта грошы недаатрымалі рэгіёны. Грошы УЕФА і ФІФА ідуць на канкрэтныя праекты і кантралююцца, дзесяць зборных не фінансуюцца з Мінспорту», — адзначыў ён.
Таксама Шарснёў абурыўся таму, што Беларусь «фактычна згубіла другую лігу».
«Там гуляюць, па-іншаму не сказаць, калектывы агульнафізічнай падрыхтоўкі», — сказаў ён.
Падчас канферэнцыі Шарснёў уступіў у эмацыянальны дыялог з намеснікам міністра спорту Аляксандрам Дараховічам, перадае betnews.
«Неяк нават не чакаў… Думаў, прыйду на вынікі, будуць высновы, аналіз, але, на жаль, пачуў, што ўсе вакол вінаватыя. А аналіз дзе? Чаму няма выніку? Чаму дрэнна гуляем? Каб рабіць высновы, трэба рабіць аналіз. А калі няма яго, ёсць толькі гучныя словы пра тое, што ўсе вакол вінаватыя?» — адказаў на яго прамову Дараховіч.
На што Шарснёў сказаў «маладому намесніку міністра», што «не трэба яго вучыць» і ў яго «больш досведу кіраўніцкай працы».
У 2023 годзе выданне «Трыбуна» паведамляла пра напружанасць паміж Мінспорту і АБФФ. Адзначалася, што міністр спорту стварае альтэрнатыўную федэрацыю футбола, бо не можа ўплываць на АБФФ.
Цяпер чытаюць
Галыгіна прымусілі апраўдвацца за зварот да сілавікоў у 2020-м2
Галыгіна прымусілі апраўдвацца за зварот да сілавікоў у 2020-м
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары