Міністэрства антыманапольнага рэгулявання і гандлю 21 сакавіка паведаміла, якія змены падрыхтаваныя ў пастанову Саўміна ад 19 кастрычніка 2022 года № 713 «Аб сістэме рэгулявання цэн».
Фота ілюстрацыйнае
Сярод іншага, паводле інфармацыі ад міністэрства, плануецца:
- сур'ёзна скараціць пералік тавараў, цэны на якія рэгулююцца;
- даць права вытворцам вызначаць адпускныя цэны зыходзячы з узроўню рэнтабельнасці, які склаўся ў кампаніі ў апошнія гады;
- вызначыць для айчынных тавараў узровень гандлёвай надбаўкі, як правіла, не меншы, чым для імпартнай прадукцыі.
Як лічаць у ведамстве, згаданыя змены павінны зменшыць адміністрацыйную нагрузку на вытворцаў і гандаль, а таксама палепшыць іх фінансавыя вынікі, не аказаўшы моцнага ўплыву на змену рознічных цэн.
Цяпер чытаюць
Слова «Унаватуна» значыць «рай». Дзе на Шры-Ланцы адпачывала Мельнікава5
Каментары