Свет33

Белы дом закрыў скандальную справу са скандальнымі перапіскамі ў Signal

Белы дом закрыў пытанне скандалу з сакрэтным чатам у Signal, куды памылкова дадалі галоўнага рэдактара выдання The Atlantic Джэфры Голдберга. Пра гэта заявіла прэс-сакратарка Белага дома Кэралайн Лівіт, паведамляе CNN.

Кэралайн Лівіт. Фота: Win McNamee/Getty Images

«Як прэзідэнт ясна даў зразумець, [дарадца па нацыянальнай бяспецы] Майк Уолц працягвае заставацца важнай часткай яго каманды па нацыянальнай бяспецы, і гэта справа ў Белым доме закрытая. З нашага боку былі зробленыя крокі, каб падобнае, зразумела, ніколі больш не паўтарылася, і мы рухаемся далей», — заявіла прэс-сакратарка прэзідэнта ЗША Дональда Трампа.

Лівіт не выказала ніякіх сумневаў адносна будучыні Уолца ў адміністрацыі Трампа.

«Прэзідэнт, Майк Уолц і ўся ягоная каманда па нацыянальнай бяспецы працуюць разам вельмі эфектыўна, калі паглядзець, наколькі бяспечнейшай стала Амерыка дзякуючы іх лідарству», — дадала яна.

Нагадаем, што 24 сакавіка галоўны рэдактар ​​The Atlantic Джэфры Голдберг расказаў, што яго выпадкова дадалі ў закрыты чат высокапастаўленых прадстаўнікоў адміністрацыі ЗША, у якім абмяркоўваліся дэталі аперацыі супраць хусітаў у Емене, распачатай 15 сакавіка.

У групавым чаце, па словах Голдберга, былі людзі з імёнамі Піт Хэгсет (міністр абароны ЗША), Марка Рубіа (дзяржсакратар), Джэй Ды Вэнс (віцэ-прэзідэнт) і іншыя, а дадаў яго чалавек па імені Майк Уолц (так завуць дарадцу прэзідэнта ЗША па нацбяспецы).

У Белым доме пазней пацвердзілі сапраўднасць перапіскі ў чаце, але заявілі, што сітуацыя з уключэннем у групу старонняга чалавека не стварыла пагрозу нацыянальнай бяспецы.

У той жа час эксперты і апаненты адміністрацыі Трампа лічаць тое, што адбылося абуральным парушэннем правілаў бяспекі і патэнцыйным парушэннем закона аб шпіянажы.

Каментары3

  • PHub
    01.04.2025
    Кэралайн Лівіт у тым ліку заявіла, што "і мы рухаемся далей"! Цікава, як гэта пракаментуюць сапраўдныя палякі)
  • што?
    01.04.2025
    што ты вярзеш?
  • Скандальны скандал
    01.04.2025
    Скандалы інтрыгі даследванні
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Стала вядома, па якім механізме спісваліся грошы з банкаўскіх картак беларусаў падчас маштабнага збою7

Стала вядома, па якім механізме спісваліся грошы з банкаўскіх картак беларусаў падчас маштабнага збою

Усе навіны →
Усе навіны

Трамп заявіў, што выступіць з важнай заявай наконт Расіі4

Упершыню расійскія вайскоўцы здаліся ў палон робатам — наватарская аперацыя ўкраінскай штурмавой брыгады7

Самая дарагая сумачка ў свеце. Сумку для Джэйн Біркін прадалі за рэкордныя $10 мільёнаў

Трамп пахваліў прэзідэнта Ліберыі за англійскую, але там гэта мова афіцыйная2

За адзін вечар тры беларускія футбольныя клубы перамаглі супернікаў з Арменіі, Македоніі і Чарнагорыі. Гэта рэкорд7

У Гомелі з'явіўся сквер Міліцыі. Гараджан не пыталіся нават фармальна4

Вялікабрытанія і Украіна падпішуць гістарычную дамову аб пастаўцы тысяч ракет для СПА

«Са студзеня Расія страціла 100 тысяч салдат. Забітымі. Не ўсяго, а забітымі»8

У Мінску пачалі будаваць аўтадарогу з Калодзішчаў у Калодзішчы

больш чытаных навін
больш лайканых навін

Стала вядома, па якім механізме спісваліся грошы з банкаўскіх картак беларусаў падчас маштабнага збою7

Стала вядома, па якім механізме спісваліся грошы з банкаўскіх картак беларусаў падчас маштабнага збою

Галоўнае
Усе навіны →

Заўвага:

 

 

 

 

Закрыць Паведаміць