Еўрапейскія ўлады далі люстраны адказ ЗША, якія на 90 дзён замарозілі ўвядзенне тарыфаў у адносінах да ўсіх краін, акрамя Кітая.
Пра замарозку еўрапейскіх тарыфаў паведаміла старшыня Еўракамісіі Урсула фон дэр Ляен.
«Мы прынялі да ведама заяву прэзідэнта Трампа. Мы хочам даць перамовам шанец. Калі перамовы не будуць здавальняючымі, нашы контрмеры пачнуць дзейнічаць», — адзначыла яна.
Раней Урсула фон дэр Ляен заяўляла, што «Еўропа гатовая адказаць» на абвешчаную Трампам гандлёвую вайну.
2 красавіка Трамп абвясціў «Днём вызвалення» Амерыкі і паведаміў, што ўводзіць нечуваныя з пачатку мінулага стагоддзя татальныя тарыфы на імпарт тавараў у ЗША.
9 красавіка прэзідэнт ЗША Дональд Трамп заявіў, што прыпыняе тарыфы на 90 дзён супраць іншых краін і падымае стаўкі ў гандлёвай вайне з Кітаем — цяпер мыты супраць ягонай прадукцыі будуць складаць ужо не 104, а 125%.
-
Археолагі знайшлі доказы таго, што найстаражытнейшыя продкі чалавека — якія жылі 2,5 млн гадоў таму — ужо ўмелі навучаць і перадаваць веды
-
Трамп заявіў, што ЗША не будуць удзельнічаць у саміце G20 у ПАР
-
ЗША не будуць блакаваць пастаўкі расійскай нафты і газу ў Венгрыю, заявіў Орбан пасля сустрэчы з Трампам
Каментары