Грамадства77

На суботніку ў Мінску Лукашэнка саджаў дрэвы, шкодныя для беларускай прыроды

На пляцоўцы, дзе будуецца новы комплекс Нацыянальнага гістарычнага музея і «Парку народнага адзінства», падчас суботніка 12 красавіка вырашылі высадзіць чырвоныя дубы, паведаміла прэс-служба Лукашэнкі.

Фота: lizgard.com.ua

«Першы ўжо ў працэсе. На тэрыторыі парку высаджваюць чырваналісныя дубы. 80 саджанцаў у гонар 80-годдзя Вялікай Перамогі», — гаворыцца ў паведамленні.

Пры гэтым варта адзначыць, што навукоўцы лічаць такі дуб (які звычайна завецца проста чырвоным дубам) відам, які шкодзіць мясцовай флоры, заўважае выданне «Позірк». Ён не характэрны для беларускай прыроды і, як многія інвазіўныя віды, пры некантраляваным распаўсюджванні здольны нарабіць бяды. 

Старшы навуковы супрацоўнік сектара кадастра расліннага свету Інстытута эксперыментальнай батанікі Нацыянальнай акадэміі навук Леанід Чумакоў у 2019 годзе пісаў у навукова-папулярным часопісе «Родная прырода», што натуральны арэал, дзе расце дуб чырвоны — Паўночная Амерыка (паўночны захад ЗША і паўднёвы ўсход Канады).

У Еўропу дуб чырвоны завезлі ў канцы XVII стагоддзя. У пачатку XX стагоддзя від сталі шырока вырошчваць у гадавальніках і на прысядзібных участках на тэрыторыі Беларусі, у другой палове — актыўна ствараць лясныя культуры. Сёння, як адзначаў навуковец, гэты від расце па ўсёй краіне, найбольш шырока — у Брэсцкай вобласці.

«Выйшаўшы за межы пасадак, дуб чырвоны пачаў актыўна асвойваць натуральныя насаджэнні. Шмат яго і непасрэдна ў зялёнай зоне Мінска», — пісаў Чумакоў.

«Масавае распаўсюджванне гэтага віду ў лясах Беларусі можа негатыўна адбіцца на біялагічнай разнастайнасці, паколькі ён, ствараючы густыя скапленні ў лясных масівах, з часам можа выцясняць як многія драўняныя пароды, так і падполагавую травяністую расліннасць», — папярэджваў ён. 

Каментары7

  • Вучоны з нан
    12.04.2025
    Да давай ужо адразу баршчавік! Корма для быдла будзе як гуталіну, вось толькі тыя мяса і малако будуць неядомыя.
  • Прафесар Прэабражэнскі
    12.04.2025
    А што ўвогуле добрага і карыснага гэты суб'ект зрабіў для Беларусі з 1994 года? Калі падрабязна разабрацца, то выйдзе адна сплашная шкода і крымінал.
  • Галя з Камароўкі
    12.04.2025
    Хай бы то была найбольшая шкода ад гэтай пачвары.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Беларускім топ-чыноўнікам у Валгаградзе раздалі каларадскія стужкі. Марзалюк застаўся з яблыневай ФОТЫ8

Беларускім топ-чыноўнікам у Валгаградзе раздалі каларадскія стужкі. Марзалюк застаўся з яблыневай ФОТЫ

Усе навіны →
Усе навіны

«Не пашпарт мяне робіць беларусам». Пагутарылі з эмігрантамі з розных краін, у якіх скончыліся пашпарты6

Якія мікрараёны Мінска самыя дарагія?1

Трамп сказаў, што Зяленскі можа адмовіцца ад Крыма2

У гарадскіх маршрутках павінны з'явіцца рамяні бяспекі

Канада сёння абірае новы парламент і прэм’ер-міністра на фоне канфлікту з Трампам1

Самую дарагую кватэру ў Мінску спрабуюць здаць за 10 тысяч даляраў штомесяц9

Банк папрасіў расказаць пра паездкі за мяжу. Навошта?

Учора ў Беларусі было не больш за +13°С1

Трамп зноў заклікае Пуціна «спыніць стральбу» і заключыць «здзелку»

больш чытаных навін
больш лайканых навін

Беларускім топ-чыноўнікам у Валгаградзе раздалі каларадскія стужкі. Марзалюк застаўся з яблыневай ФОТЫ8

Беларускім топ-чыноўнікам у Валгаградзе раздалі каларадскія стужкі. Марзалюк застаўся з яблыневай ФОТЫ

Галоўнае
Усе навіны →

Заўвага:

 

 

 

 

Закрыць Паведаміць