Супрацоўнікі крымінальнага вышуку мінскай міліцыі затрымалі 63-гадовага серыйнага злодзея, паведамляе прэс-служба МУС
Месяц таму мужчына прыехаў у Меінск з Віцебскай вобласці і тады ж здзейсніў першае злачынства.
Ноччу ён фомкай узламаў дзверы рэстарана на вул. Карла Маркса і выкраў з касы 3 тысячы даляраў.
Ён адзяваў балаклаву, а потым мяняў знешнасць і віхляў па дварах, але супрацоўнікі міліцыі ўсё роўна ўстанавілі ягоную асобу.
У выніку яго затрымалі з доказамі злачынства пры здзяйсненні чарговага крадзяжу.
Ён адціснуў шклопакет у краме бытавой хіміі, выявіў сейф і выкраў каля 2 тысяч даляраў.
У абодвух выпадках установы не былі абсталяваны сродкамі ахоўнай сігналізацыі. Мужчына быў працаўладкаваны, а скрадзеныя грошы траціў на казіно.
«Стаяць на сваім, кожны на колькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары