З пачатку 2025 года ў сталіцы абнавілі 231 прыпыначны пункт. Чым яны адрозніваюцца ад ранейшых, Мінск-навінам расказаў дырэктар «Гаррэмаўтадара» Максім Белавус.
— Мы стараемся змяняць каля 10 % усіх прыпыначных пунктаў з наяўных у горадзе за год. Абнаўляем не менш за 200 штук, — патлумачыў М. Белавус. — Ад ранейшых яны, вядома ж, адрозніваюцца. Новыя прыпынкі ацынкаваныя, павышанай камфортнасці, таму што зона, у якой можа знаходзіцца чалавек, павялічана. Плюс, былі пажаданні грамадзян, каб назвы павільёнаў дубляваліся не толькі на апорах, бо людзі са слабым зрокам або бабулі не могуць іх знайсці, а непасрэдна на самім павільёне. Гэта было ўлічана, і з трох бакоў нанесена назва прыпынку. Таксама паставілі ўдарастойкае таніраванае шкло.
Супрацоўнікі прадпрыемства таксама вывучалі мэтазгоднасць дапаўнення прыпынкаў раз’ёмамі для зарадкі смартфонаў або кава-аўтаматамі.
— Негатыўны досвед на вул. Няміга, дзе быў эксперыментальны павільён, паказаў, што патрэбы ў гэтым няма. Грамадскі транспарт ходзіць часта, за некалькі хвілін чалавек не паспявае зарадзіць тэлефон. То-бок эфектыўнасці няма. Наконт кавы людзі выказвалі нараканні, маўляў, гарачая кава ў салоне аўтобуса можа быць небяспечнай. Адзін неасцярожны рух — і аматар кавы абліў іншага пасажыра. Таму ад гэтага вырашылі адмовіцца, — расказаў дырэктар «Горрэмаўтадара».
Цяпер чытаюць
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары