У Беластоку ўбачыць чырвона-зялёны сцяг Беларусі можна хіба што на будынку Генеральнага консульства. Таму з'яўленне гэтага сцяга на балконе аднаго з жылых дамоў здзівіла многіх беларусаў, што жывуць у польскім горадзе.
Сцяг вывесіў Аляксандр — беларус, які ўжо дзевяць гадоў жыве ў Польшчы. Ён расказаў, навошта вырашыў гэта зрабіць, піша Most.
Як аказалася, Аляксандр павесіў дзяржаўны сцяг Беларусі яшчэ летам 2024 года. Паводле яго слоў, гэта быў адказ на непрыемную сітуацыю, якую ён перажыў у Беластоку.
— У мяне быў выпадак: у Беластоку мне крыкнулі: «Zamknij ruską mordę» («Закрый рускую морду»). Я вырашыў абазначыць, што я беларус. Вось і ўсё, гэта ўвесь мой пасыл, — тлумачыць Аляксандр.
У Польшчу Аляксандр пераехаў у пошуках лепшага жыцця. Вяртацца ў Беларусь не плануе — кажа, што там яму няма да каго ехаць. Але марыць з'ехаць у Аўстралію або ЗША.
— Я з'ехаў, каб змяніць сваё жыццё. Тут я на адной працы зарабляю столькі ж, колькі ў Беларусі зарабляў на дзвюх, — распавядае ён.
На пытанне, чаму ён выбраў менавіта чырвона-зялёны сцяг, а не бела-чырвона-белы, Аляксандр адказвае:
— Я прыехаў у Польшчу да выбараў 2020 года, калі пратэстаў яшчэ не было. Палітыка мяне не цікавіць. Я занадта маленькае звяно, каб пра гэта думаць.
Я быў сіратой, мяне выхоўвала бабуля, і яна задаволеная Лукашэнкам. Так, пасля выбараў 2020 года ў Беларусі была жахлівая сітуацыя, але цяпер такое ва ўсім свеце. Я не ўдзельнічаю ў падзеле беларусаў. Я жыву для сваёй сям’і.
Аляксандр кажа, што прэтэнзій да яго з нагоды вывешанага сцяга пакуль не паступала. Аднак ён мяркуе, што пасля зносін з журналістамі пытанні могуць з'явіцца.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»26
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1414
Каментары