Галоўнае статыстычнае ўпраўленне Мінску паведаміла, што ўсяго ў сталіцы жывуць 1 996,7 тысяч чалавек — то-бок кожны пяты беларус, піша «Мінск Навіны».
Такая статыстыка прыводзіцца на 1 студзеня 2025 года. У параўнанні з 2024 годам насельніцтва Мінску павялічылася на 3,9 тысяч чалавек.
Найбольшая колькасць людзей жыве ў Фрунзенскім раёне — 453,1 тысяча чалавек. Наступнае месца ў Маскоўскага — 303,2 тысячы чалавек.
Найменшую колькасць жыхароў заўважылі ў Цэнтральным і Партызанскім раёнах — па 133,7 тысяч і 92 тысячы чалавек адпаведна.
Пры гэтым сярэдні ўзрост насельніцтва ў Беларусі на пачатак 2025 года склаў 41,9 года, у сталіцы — 41 год: мужчын — 38,2 года, жанчын — 43,2 года.
Колькасць жанчын на 1 студзеня склала 1 091,5 тыс.чалавек, мужчын — 905,2 тыс. чалавек.
Цяпер чытаюць
Каментары
Таму усіх заганяюць у Мінск, каб усе былі пад кантролем рэпрэсіўнай улады.