Рэжысёр таксама расказаў, як яны моцна пасварыліся з Сяргеем Чалым.
Госцем новага выпуску ютуб-праекта «ЧастнОК-Live» стаў рэжысёр Мікалай Халезін. Яго папрасілі параўнаць вядомых беларусаў са стравамі.
Праграмы эканамічнага аглядальніка Сяргея Чалага рэжысёр параўнаў з супам том ям, які ён вельмі любіць. У гэтым супе прысутнічае смак умамі, які не так даўно быў прызнаны за пяты смак акрамя вядомых чатырох — кіслага, салодкага, горкага і салёнага.
«Чалы гэта нейкі том ям для тых, хто любіць. Там вельмі шмат смаку, вельмі шмат таго, што ён дае. (…) У Чалага заўсёды ў эфірах, нават калі табе сумная тэма, ты зноў знойдзеш нешта».
Халезін згадаў гісторыю сваіх адносін Чалым.
«Мы ў фэйсбуку аднойчы пасраліся так, што адзін аднаго паслалі да х****. Па-мойму, толькі не забанілі. Але паслалі цалкам, з асабістымі абразамі», — прычыну сваркі рэжысёр цяпер не памятае.
Па словах Халезіна, пасля гэтай перапалкі яны не камунікавалі некалькі гадоў. Але ўсё змянілася ў 2020-м.
«Настаў 2020 год. Усё там неяк адбываецца. Я бачу Чалага ў нейкай праграме. Бяру тэлефон (ён мяне не забаніў) і яму ў асабістыя пішу: «Сярога, мы з табою пасраліся. Я не памятаю, з-за чаго. Калі я не меў рацыі, то ты мяне прабач. Калі ты лічыш, што ты памыляўся, то я табе ў любым выпадку дарую».
На сваё паведамленне, як згадвае Халезін, ён атрымаў адказ: «Ну што? Пры сустрэчы на піва?» На гэтую прапанову рэжысёр адказаў згодай.
З той пары, як адзначае Халезін, яны з Чалым у цудоўных адносінах.
А вось аналітыка Арцёма Шрайбмана Халезін параўноўвае з пастай з морапрадуктамі. Тлумачыць: з аднаго боку, пасту нельга, бо лішняя вага, а з другога — калі з морапрадуктамі, то прабачаеш сабе.
Ён характарызуе Шрайбмана як чалавека, які «можа рэфлексаваць вельмі спакойна (…) паспрабаваць аргументамі прыйсці да нейкай высновы, якая нікога не будзе раздражняць. (…) Ты слухаеш яго і пагаджаешся, пагаджаешся з аргументамі і прыходзіш да гэтай высновы».
«У яго вялікая можа быць перспектыва як у палітычнага аналітыка. І пры гэтым у яго ёсць тая прывабнасць, якая робіць яго чалавекам, якому давяраеш», — даводзіць Халезін.
Цяпер чытаюць
Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння18
Каментары
Так-так хлопцы, гэта ваш агульны узровень пустой гаварыльні, - нікога не раздражняць, усім падабацца, ні за што не адказваць. Сёння адно, заўтра другое. Пена.