Падпісчыкам Яўген Какойта паказаў сваю жоўтую бірку палітзняволенага.
Гомельскі правакатар Яўген Катляроў (Какойта) расказаў у сацсетках пра тое, што скінуў у зняволенні 30 кілаграмаў.
У сваёй манеры Катляроў расказаў пра сваё былое зняволенне. «Мінус 30 кг гэта лёгка!)) Аднаўленне печані і нырак. Прадугледжаныя праграмы рознай працягласці і ступені ўздзеяння))» — адрэкламаваў ён «аздараўленчую» праграму.
Пры гэтым ён прадэманстраваў жоўтую бірку палітвязня.
Яўген Катляроў, вядомы таксама пад псеўданімамі «Какойта» і «Мікіта Канцавы» — жыхар Гомеля, які атрымаў шырокую вядомасць праз актыўнасці ў інтэрнэце. Ён займаўся стварэннем правакацыйных матэрыялаў, распаўсюджваннем фэйкавых навін і даносаў на апазіцыйных актывістаў. У прыватнасці, яго сведчанні выкарыстоўваліся ў крымінальных справах супраць журналіста Андрэя Толчына і праваабаронцы Леаніда Судаленкі.
Увесну 2024 года Катляроў быў затрыманы пасля публікацыі відэа з крытыкай уладаў, у якіх выказваў расчараванне дзеяннямі чыноўнікаў.
30 верасня 2024 года ў судзе Навабеліцкага раёна Гомеля пачаўся судовы працэс над Катляровым-Какойтам, якога абвінавацілі па трох «палітычных» артыкулах: дыскрэдытацыя Рэспублікі Беларусь (арт. 369-1) і абраза прадстаўніка ўлады (арт. 369 КК РБ). Па выніках закрытага суда яму вынеслі прысуд — 1,5 года калоніі агульнага рэжыму з максімальна магчымых 4 гадоў.
Праваабарончы цэнтр «Вясна» прызнаў Яўгена Катлярова палітвязнем, падкрэсліваючы, што ягоны пераслед быў палітычна матываваны і звязаны з мірнай рэалізацыяй права на выказванне меркавання.
У маі 2025 года Катляроў выйшаў на волю, верагодна, цалкам адбыўшы прысуджаны тэрмін. Пасля вызвалення ён абнавіў сваю старонку ў сацыяльных сетках, дзе апублікаваў спіс палітвязняў, з якімі сустракаўся падчас зняволення.
-
Блогер з Гродна, якога абвінавацілі ў махлярстве на грашах для хворага дзіцяці, у інстаграме пракаментаваў сваю справу
-
МЗС Беларусі паведаміў, калі адкрыецца мяжа для літоўскіх грузавікоў
-
«Некаторых маіх сяброў беларушчынай перакармілі». Як нарадзіцца і ўсё жыццё пражыць у Сібіры, а лічыць сябе беларускай?
Цяпер чытаюць
Лосік расказаў, як Бабарыку катавалі ў наваполацкай калоніі7
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х77
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х7
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары