Свет

Мядзінскі заявіў, што Украіна перанесла «на нявызначаны тэрмін» абмен ваеннапалоннымі і целамі загінулых салдат

Памочнік прэзідэнта Расіі Уладзімір Мядзінскі заявіў, што расійскі бок 6 чэрвеня «прыступіў да рэалізацыі гуманітарнай акцыі» па перадачы Украіне больш за шэсць тысяч цел загінулых ваенных УСУ і абмену палоннымі, піша Расійская служба Радыё Свабода.

Уладзімір Мядзінскі. Фота: Burak Kara/Getty Images

Паводле яго слоў, першыя 1212 цел ужо даставілі ў раён абмену, а Украіне перадалі першы спіс ваеннапалонных — у яго ўключаны 640 чалавек катэгорый «параненыя, цяжкахворыя і моладзь».

Мядзінскі заявіў, што ўкраінскі бок «нечакана перанёс на нявызначаны тэрмін і прыём цел, і абмен ваеннапалоннымі». Ён дадаў, што кантактная група Мінабароны Расіі знаходзіцца на мяжы з Украінай. Паводле яго слоў, прычыны затрымкі «называюцца розныя і даволі дзіўныя». Мядзінскі не ўдакладніў, якія менавіта.

Ва ўкраінскім Каардынацыйным штабе па пытаннях абыходжання з ваеннапалоннымі паўтарылі сваю ўчорашнюю заяву — у ёй сказана, што паведамленні прадстаўнікоў Расіі пра пачатак абмену не адпавядаюць рэчаіснасці, а падрыхтоўка да яго яшчэ працягваецца.

Крыніца «РБК-Украіна», інфармаваная пра працэс падрыхтоўкі абмену, заявіла, што расійскі бок «спрабуе ціснуць на перагаворную групу». «Абмен рыхтуецца, а любыя падрабязнасці могуць вельмі моцна паўплываць на гэта. Гэта адчувальнае пытанне», — заявіў суразмоўца выдання.

Аб абмене ваеннапалоннымі і целамі загінулых бакі дамовіліся падчас другога раўнду перамоваў у Стамбуле, які прайшоў 2 чэрвеня.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29

Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам

Усе навіны →
Усе навіны

«Вось убачыце. Праз некалькі тыдняў ці дзён». Намёкі Лукашэнкі пра нейкія крокі выразалі з тэкставай версіі яго прамовы14

«Ні ў якім разе я не рабіў заявы». Келаг зняпраўдзіў словы Лукашэнкі11

Купіў будынак пад рэстаран за 262 тысячы рублёў. Цяпер участак хочуць забраць, каб пабудаваць там… рэстаран5

«Тым, хто настальгуе па саўку, спадабаецца». Блогер пераначаваў у найгоршых гатэлях Беларусі і падзяліўся ўражаннямі11

Пракоп'еў: Знізьце ўзровень чаканняў. Я не бачу ніводнай аб'ектыўнай прычыны, каб наступала адліга14

Расіяніна затрымалі з 37 кілаграмамі наркотыкаў у Мінску2

Куды беларусы могуць лятаць без візы і без перасадак?3

«Хтосьці ў кіраўніцтве сілавікоў вырашыў вывесці Бялюціна са «справы Аўтуховіча» і выкарыстаць іначай»3

Зяленскі падтрымаў Азербайджан у канфлікце з Расіяй2

больш чытаных навін
больш лайканых навін

Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29

Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам

Галоўнае
Усе навіны →

Заўвага:

 

 

 

 

Закрыць Паведаміць