«Як сын высокапастаўленага сілавіка выбраў беларушчыну». Вось што «Наша Ніва» пісала пра кнігі з лонг-ліста Гедройця
Сённяшні спіс намінантаў літаратурнай прэміі імя Ежы Гедройця вызначаецца разнастайнасцю жанраў і нечаканым паваротам сюжэтаў.
Днямі быў абвешчаны доўгі спіс адной з найбольш прэстыжных узнагарод у беларускай культурнай прасторы — прэміі імя Ежы Гедройця. Замест традыцыйных 12 кніг у гэты годзе ў яго ўвайшло 13.
Рэцэнзіі на большасць з іх «Наша Ніва» публікавала.
Героі — падлеткі з Мінска, якія бароняць свет ад Зла
Гэты артыкул расказвае пра кнігу Валера Гапеева «Вольнеры. Бясконцы дзень» (выдавецтва «Янушкевіч»).
«Парушыўшы безліч правілаў, падлеткі збягаюць са школы-казармы і спрабуюць знайсці дарогу да вёскі, дзе раней знаходзіўся праход у іншасвет. Знайсці яго няпроста, бо цяпер усё адбываецца не так, як папярэднія разы».
Выйшла аўтабіяграфічная кніга Сяргея Дубаўца
Як сын высокапастаўленага сілавіка выбраў беларушчыну: «Занзібар. Сталенне маладой душы» (выдавецтва «Вясна»).
«Гэта аўтабіяграфічны тэкст пра тое, як малады чалавек у 80-я гады адкрывае для сябе беларушчыну. У кнізе многа пра нефармальныя арганізацыі тых часоў: ад «Майстроўні» ды «Талакі» да літаратурнага аб’яднання «Тутэйшыя». Разам з тым, гэта не проста настальгічныя нататкі, аўтар праводзіць паралелі з сучаснасцю, беларускай рэчаіснасцю 2020-х гадоў».
Голеная праўда. Адзіны ў Беларусі пісьменннік-цырульнік апісаў тое, што ніхто да яго не рабіў
«Стрыжэ і піша» — Сяргей Календа. Кніга выйшла ў выдавецтве Gutenberg Publisher.
«Быццам бы лёгкае чытво, у якое занырваеш з першага сказа і гартаеш старонку за старонкай. Бо цікава ж, які яшчэ фрык прыйдзе на стрыжку ці якая трасца здарыцца падчас працы».
Паваліла моцная літаратура! «Перамена месцаў» Югасі Каляды
«2017 год. У новым «Штадлеры» Мінск—Гомель мяняюцца месцамі — вы ведаеце, як гэта бывае — 40-гадовая суддзя Альбіна Багадзевіч з Гомеля і 24-гадовая беспрацоўная Маня Каваленка з вёскі Алешнікі Ельскага раёна. На раніцу аказваецца, што яны памяняліся і целамі».
Пра што прасіў Джордж Буш і як хавалі Быкава. Успаміны дырэктара беларускай службы «Радыё Свабода»
Аляксандр Лукашук «Там, дзе няма цемнаты: Радыё Свабода» (выдавецтва «Вясна»)
Пра кнігу Макара Валынкіна «Апошняе пакаленне» расказвае наш матэрыял
Выйшла кніга пра беларускую моладзь пасля 2020 года
«Часам будзе складана чытаць; будзе падавацца, што гэта нейкая багна, якая цябе засмоктвае, што гэта надакучлівая кніга ні аб чым. Але апошнія тры часткі патлумачаць, чаму так было. Кніга раскрыецца з іншага боку. Калі дачытаеце да канца, усё зразумееце. Фінал будзе нечаканы», — запэўнівае аўтар.
«Цяпер такія кнігі чытаеш з пэўным здзіўленнем». Беларускі аўтафікшн у скандынаўскіх дэкарацыях
Так пісала Зося Лугавая пра кнігу «Раз на дваццаць пяць тысяч гадоў» Анкі Упала (выдавецтва Alena Kazlova).
«У тэксце ёсць усё: і цікавыя рэфлексіі, і выдатна прапісаныя характары, і вытанчаныя пейзажныя замалёўкі. Усяго роўна столькі, колькі трэба. Ты паспяваеш атрымаць задавальненне ад трапнасці назіранняў, але не паспяваеш стаміцца — аўтарка рушыць далей».
Не кажы ты мне слоў, што не грэюць цяплом, Аляксандр Чарнуха
Рэцэнзія на кнігу «Гвалт», якая пабачыла свет ў выдавецтве «Янушкевіч».
«Аўтар вельмі хацеў напісаць яшчэ адну кнігу. А ўлічваючы, што вясёлая і злая кніга ў яго ўжо ёсць, ён вырашыў напісаць злую і страшную».
Дэтэктыў «Забойства на вуліцы Макаёнка» прызналі экстрэмісцкім. Пра што гэтая неардынарная кніга?
«У кнізе няма ніводнага бездакорна станоўчага героя. Пакрысе становіцца ясна, што кожны з іх хавае шкілет ў шафе — таго ці іншага памеру. Большасць з гэтых шкілетаў не маюць наўпроставага дачынення да развіцця дэтэктыўнага сюжэта, але цікавыя самі па сабе. У пэўны момант для мяне гэта ўсё стала выглядаць як спроба замаскаваць пад экстравагантны дэтэктыў зусім іншую гісторыю. Пра тое, чым і як жыве Мінск пасля таго, як усё актыўнае, жывое, творчае ў ім гвалтам прымусілі сціхнуць ці знікнуць».
Артыкулы пра тыя кнігі з доўгага спісу Гедройця, якіх мы яшчэ не аглядалі, шукайце на нашым сайце неўзабаве. А пакуль можна пазнаёміцца з аўтарамі некаторых з іх.
Зміцер Дзядзенка: З Беларусі я выехаў, але яе паветра не выдыхнуў
Зміцер з'яўляецца аўтарам кнігі «Гульні Цырцэі. Раман», якая выдадзена фондам Kamunikat.org.
Гераіня артыкула Make Palessie sexy again. Беларуская айцішніца з Новай Зеландыі расказвае пра гаворку і звычаі сваёй роднай вёскі Вольга Аполька выдала кнігу «Мое баба — Діректор морга».
«Я выбрала сваіх дзяцей». Гутарка з дырэктаркай гродзенскага хоспісу, якая з'ехала ад пераследу Вольгай Вялічка, кніга якой «Ад двух да пятнаццаці. Мая мама ў турме» выйшла ў выдавецтве Gutenberg Publisher.
«Мая ты бабка родненькая»: новая кніга пра Беларусь, хто ж яе напісаў?
Энігматычны пісьменнік з Палесся Андрусь Горват пераплавіў выпрабаванні 2020-х у кнігу «Дом»
Замест вайны сланы ў новай кнізе Сашы Філіпенкі. І Масква
«Не спяшы, Юр’еўна. Не тарапісь. А то апаздаеш». У беларусаў з’явілася свая міс Марпл
Каментары