У Лёзненскім раёне Віцебшчыны будуецца новая кандытарская фабрыка — ПТУП «Камунарка-Лёзна», на якой збіраюцца выпускаць своеасаблівае ноу-хау для беларускай кандытарскай галіны. Пра праект расказаў кіраўнік канцэрна «Белдзяржхарчпрам» Алег Жыдкоў у інтэрв’ю часопісу «Экономика Беларуси», піша БелТА.
Новая фабрыка, як заяўляецца, будзе вырабляць інавацыйныя малочныя цукеркі — прэсаваныя ласункі на аснове сухога малака, а таксама малочныя снэкі-пастылкі з рознымі смакавымі дадаткамі і без іх.
Паводле слоў Алега Жыдкова, летась арганізацыі канцэрна інвеставалі ў развіццё амаль 321 мільён рублёў — гэта значна больш, чым планавалася. Прыбытак прадпрыемстваў стаў галоўнай крыніцай гэтых сродкаў — каля 88%. Частка інвестыцый таксама паступіла з інвестыцыйнага фонду канцэрна, што асабліва дапамагло невялікім заводам, напрыклад, у кансервавай галіне.
Працягваецца інвестыцыйная актыўнасць і сёлета. Напрыклад, бабруйскае прадпрыемства «Чырвоны харчавік» рыхтуецца запусціць новую лінію для вырабу дражэ, якая дазволіць аўтаматызаваць працэс і дакладна дазаваць інгрэдыенты. Мінскі маргарынавы завод мадэрнізуе свае вытворчыя магутнасці, каб вырабляць якасныя тлушчы для кандытарскай вытворчасці, якія цяпер закупляюць за мяжой. Новая лінія будзе выпрацоўваць 50 тон у суткі.
Акрамя таго, на прадпрыемстве «Чырвоны мазыранін» адкрылася новая лінія для вытворчасці ірысу. Цяпер завод зможа вырабляць 440 тон ірысу на год пры адной змене — раней было толькі 175 тон. Выпускаюцца цукеркі з сямю рознымі смакамі, а таксама казінакі.
Цяпер чытаюць
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі31
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары