У Смаргоні жанчына не хацела ісці ад сяброўкі, таму яе прыяцель паведаміў пра гранаты
5 чэрвеня а 22:31 у Смаргонскі РАУС патэлефанаваў мужчына, які паведаміў, што ў кватэры ў жыхаркі райцэнтра на стале ляжаць гранаты, і адразу паклаў слухаўку.
На месца выехалі супрацоўнікі міліцыі, боепрыпасаў не было выяўлена, паведамляе абласная міліцыя.
Пасля гэтага пачаліся аператыўна-вышуковыя мерапрыемствы, накіраваныя на ўстанаўленне асобы ілжэмінёра. Ім аказаўся 45-гадовы мужчына.
Ён растлумачыў, што ў той дзень знаходзіўся ў стане алкагольнага ап’янення і прыйшоў да знаёмай, каб забраць дадому сваю сужыцельку. Аднак тая не хацела сыходзіць, таму мужчына вырашыў вывесці яе з кватэры «незаконным» спосабам.
Дзеянні ілжэмінёра Смаргонскім раённым аддзелам Следчага камітэта кваліфікаваныя паводле артыкула «Свядома ілжывае паведамленне пра небяспеку». І санкцыя прадугледжвае пакаранне да пяці гадоў зняволення.
Цяпер чытаюць
Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў8
Каментары