77-гадовы мужчына атрымаў званок ад ілжэмабільнага аператара і пад выглядам перазаключэння дамовы на аказанне паслуг назваў суразмоўцу свае даныя.
Пасля пенсіянеру патэлефанаваў нібыта праваахоўнік, які пераканаў мужчыну, што злачынцы спрабуюць зняць з яго рахунку грошы, у сувязі з чым будзе заведзеная крымінальная справа, а ў доме адбудзецца вобшук, паведамляе «Міліцыя Мінска».
Каб у яго не канфіскавалі ўсе грошы, мінчуку параілі іх задэклараваць праз кур’ера Нацыянальнага банка.
Праз некалькі гадзін да дома пенсіянера пад’ехала машына, і ён выкінуў з акна ўсе грошы — 18000 даляраў, 600 еўра і больш за 1000 рублёў.
Аўтамабіль знік, пасля чаго мінчук зразумеў, што яго падманулі.
Туск заявіў пра гатоўнасць адкрыць Баброўнікі і Кузніцу з лістапада55
Каментары