На першых выбарах у незалежнай Чарнагорыі перамогу атрымалі кіруючыя сілы, якія колькі месяцаў таму прывялі краіну да незалежнасьці.
На першых выбарах незалежнай Чарнагорыі перамогу атрымалі кіруючыя сілы, якія колькі месяцаў таму правялі да незалежнасьці ад Сэрбіі.
Паводле папярэдніх вынікаў, сацыял-дэмакратычная кааліцыя прэм’ера Міла Джуканавіча атрымала 41 месца ў парлямэнце з 81 месца – большасьць, якая дазваляе самастойна фармаваць урад. Ня спраўдзіліся надзеі апазыцыі, што ўжо шмат год беспасьпяхова спрабуе адхіліць Джуканавіча ад улады.
44-гадовы прэм’ер, майстар крутых паваротаў у палітыцы, ва ўладзе знаходзіцца ўжо 16 год. Галоўным ягоным цяперашнім козырам побач з надзеяй на хуткае ўступленьне ў Эўразьвяз і NATO ёсьць рэкордная колькасьць турыстаў з Заходняй Эўропы (у гэтым годзе 900 тыс. заходніх турыстаў пакінула ў маленькай Чарнагорыі 300 млн. эўра).
Нядзельнае галасаваньне прайшло спакойна. Адзіным інцыдэнтам быў арышт 14 чарнагорскіх альбанцаў, названых у паведамленьні паліцыі тэрарыстычнай групай, што хацела сарваць выбары. Альбанскія партыі ў сваю чаргу назвалі гэтае здарэньне «палітычнай правакацыяй».
Мікола Бугай: Трэба перагарнуць старонку 2020-га і пачаць жыць новымі рэаліямі68
Каментары