Апошні тыдзень лістапада будзе з пераменамі тэмператур і частымі ападкамі
Сіноптык Дзмітрый Рабаў у эфіры тэлеканала АНТ расказаў, якім будзе апошні тыдзень лістапада — з 24 да 30 лістапада. Паводле яго слоў, гэта надвор’е будзе цалкам адпавядаць позняй восені: яно будзе нестабільным, з пераменамі тэмператур і частымі ападкамі.
Рабаў адзначыў, што краіна цяпер пад уплывам чарговай «каруселі атлантычных цыклонаў», якія прыносяць у Беларусь новыя порцыі халоднага паветра. Таму на працягу тыдня магчымыя як снег і мокры снег, так і дождж.
Сіноптык падкрэсліў: сапраўднага зімовага надвор’я ў канцы лістапада і нават у пачатку снежня чакаць яшчэ не варта.
У панядзелак, 24 лістапада, у краіну прыйдуць вільготныя паветраныя масы. Чакаюцца снег, мокры снег і дождж. Уначы і раніцай магчымыя туман і слабы галалёд. Тэмпература ноччу — ад +1 да —6, удзень каля нуля.
У аўторак, 25 лістапада, стане крыху цяплей: удзень да +3.
У сераду, 26 лістапада, чарговы атмасферны фронт зноў прынясе снег і мокры снег па ўсёй краіне. Уначы і раніцай — туманы і галалёдзіца. Тэмпература — ад +1 да —4, удзень ад 0 да +6.
У чацвер—пятніцу, 27—28 лістапада, у Беларусь прыйдзе больш устойлівы антыцыклон. Значных ападкаў не чакаецца. Уначы і раніцай усё яшчэ туман, тэмпература — ад —1 да +6. Удзень — каля нуля.
Апошнія дні восені, 29—30 лістапада, будуць пад уплывам вобласці высокага ціску. У некаторых раёнах магчымыя невялікія ападкі. Уначы і раніцай — туман, ад —1 да +6.
У суботу днём ад +1 да —3, у нядзелю — каля нуля.
Такім чынам, тыдзень будзе пераменлівым, з частымі туманамі, ападкамі і невялікімі начнымі замаразкамі.
Цяпер чытаюць
Бухі Ігар з Віцебска ўжо не ведае, як адбіцца ад падарункаў ад розных брэндаў. І ўжо звальняецца з завода21
Каментары
Можна будзе бачыць, ці робіць Лукашэнка нешта па спыненню кантрабанды. Калі не, шансы на навіну пра закрыццё аэрапорта.
І такія ўмовы паўторацца ў сярэдзіне тыдня пры наступным цыклоне.
Прагнозы, да якіх дажыліся.